អីយ៉ា! ឆ្នាំថ្មីក្រុមហ៊ុន Xiaomi Cambodia ចែកអាំងប៉ាវយ៉ាងច្រើនដល់ហ្វេនៗរាប់រយរង្វាន់

ភ្នំពេញ៖ ក្រុមហ៊ុន Xiaomi ប្រចាំប្រទេសកម្ពុជាចែកអាំងប៉ាវដល់ហ្វេននៅលើហ្វេសប៊ុក និង នៅ Mi Home ទាំងបីសាខា គឺ សាខាផ្សាដើមថ្កូវ ,  សាខាស្ទឹងមានជ័យ និង សាខាសន្ធរម៉ុក។

ក្នុងឱកាសចូលឆ្នាំចិននេះក្រុមហ៊ុន ក៏មានកម្មវីធីប្រូម៉ូសិនដែលមិនធ្លាប់មានផងដែរ គឺសុទ្ធសឹងតែជាផលិតផលដែលពេញនិយមទូរទាំងពិភពលោក។

លើសពីនេះទៅទៀត ថ្មីៗនេះក្រុមហ៊ុន Xiaomi ក៏បានចែករង្វាន់ធំ ដល់ហ្វេននោះគឺ អធិរាជកាមេរ៉ា Xiaomi - Mi Note 10 108MP តម្លៃ 499$។

ជាក់ស្ដែង ក្រុមហ៊ុន Xiaomi ប្រចាំប្រទេសកម្ពុជា បានដាក់សម្ពោធជាផ្លូវការនូវ Mi Note 10 និង Mi Note 10 Pro ដែលជាអធិរាជកាមេរ៉ាទំហំ 108 មេហ្កាភិចសែល ដំបូងគេបំផុតកាលពីថ្ងៃទី ១២ខែធ្នូ ឆ្នាំ ២០១៩ កន្លងទៅនេះ Xiaomi ដែលជាក្រុមហ៊ុនផលិតស្មាតហ្វូនលំដាប់ពិភពលោក ឈាន មុខគេមួយ បានប្រកាសនូវវត្តមានរបស់ស្មាតហ្វូនថ្មីត្រកូល Mi Note series របស់ខ្លួននោះគឺ Mi Note 10 និង Mi Note 10 Pro ដែលជាស្មាតហ្វូនថ្នាក់ប្រណិតរបស់ខ្លួននៅក្នុងទីផ្សារប្រទេសកម្ពុជា ដោយស្មាតហ្វូនទាំងពីរនេះ គឺជាស្មាតហ្វូនដែលបំពាក់នូវកាមេរ៉ាដែលមានទំហំធំដល់ទៅ 108MP និងមានការឌីស្សាញយ៉ាងល្អឥតខ្ចោះថែម ទៀតផង។ ស្មាតហ្វូន Mi Note 10 នេះ មានភ្ជាប់ជាមួយ នឹងថាមពលថ្មធំទំហំដល់ទៅ 5260mAh និងផ្តល់នូវបទ ពិសោធន៍នៃការថតរូបភាពយ៉ាងអស្ចារ្យថែមទៀត ដែលអ្នកប្រើប្រាស់នឹកស្មានមិនដល់នោះទេ។

ស្មាតហ្វូនស៊េរីថ្មី Mi Note 10 6GB+128GB  នេះដាក់លក់នៅក្នុងតម្លៃ $499 ខណៈពេលដែលស្មាតហ្វូន Mi Note 10 Pro 8GB+256GB នេះគឺមានតម្លៃ $599។ ការលក់ស្មាតហ្វូននេះជាផ្លូវការគឺនៅថ្ងៃទី 13 ខែធ្នូនេះ នៅក្នុងហាងលក់ចែកចាយផ្លូវការរបស់ក្រុមហ៊ុន Xiaomi រួមមានហាង Mi Home ទាំងបីសាខា គឺ សាខាស្ទឹងមានជ័យ, សាខាផ្សារដើមថ្កូវ និងសាខាសន្ធរមុខ រួមជាមួយនិងដៃគូចែកចាយជាច្រើនទៀត ហើយនឹងហាងអនឡាញដូចជា Smile Shop និង Dola Mall ផងដែរ។

សូមជំរាបថា ក្រុមហ៊ុន Xiaomi គឺបានបង្កើតឡើងដំបូងនៅក្នុងឆ្នាំ 2010 និងបានហក់ចូលទៅក្នុងទីផ្សារ ភាគហ៊ុននៅក្រុងហុងកុងឆ្នាំ 2018 ។ ថ្មីៗនេះ ក្រុមហ៊ុន Xiaomi បានឡើងមកឈរនៅលេខរៀងទី 4 នៃចំណាតថ្នាក់ស្មាតហ្វូនរបស់ពិភពលោក ហើយនឹងបានបង្កើតនូវមាតិការព័ត៌ មានវិទ្យាដ៏ធំបំផុតនៅលើពិភពលោក ជាមួយនឹងចំនួនអ្នកប្រើប្រាស់ច្រើនជាង 196 លានឧបករណ៍ ដោយបូករួមទាំកុំព្យូទ័រ និងស្មាតហ្វូន។ មកដល់ពេលនេះ Xiaomi បានពង្រីកទីផ្សារបានចំនួនច្រើជាង 80 ប្រទេសហើយ នៅជុំវិញពិភពលោក។ គិតត្រឹមខែកក្កដាឆ្នាំ 2019 នេះ ក្រុមហ៊ុននេះ បានបោះជំហានចូលក្នុងតារា Fortune Global 500 ដោយឈរនៅលេខរៀងទី 468៕