វិទ្យាស្ថានខាងលើបានសិក្សាលើប្រជាពលរដ្ឋចិនប្រមាណ ជិត១សែននាក់ ក្នុងរយៈពេល៧ឆ្នាំ ដោយតាមដានលើទម្លាប់ញ៉ាំតែជាប្រចាំរបស់អ្នកទាំងនោះ។ ជាលទ្ធផលបានឃើញថា អ្នកដែលឧស្សាហ៍ញ៉ាំតែបៃតង ជាមធ្យម៣ដងក្នុង១សប្តាហ៍ ឬច្រើនជាងនេះ គឺមានអាយុវែងប្រហែល១,៤ឆ្នាំ ច្រើនជាង អ្នកមិនដែលញ៉ាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការសិក្សាបានរកឃើញដែរថា ក្នុងតែបៃតង មានសារធាតុប្រឆាំងអុកស៊ីដកម្ម ដែលជួយកាត់បន្ថយហានិភ័យជំងឺបេះដូង និងជំងឺដាច់សរសៃឈាម ប្រមាណ២៥ភាគរយ។ តែទោះយ៉ាងណា អ្នកវិទ្យាសាស្រ្តបានរកឃើញពីប្រសិទ្ធភាពនោះពីតែបៃតងប៉ុណ្ណោះ ពោលគឺនៅក្នុងការសិក្សាពីប្រជាពលរដ្ឋខាងលើ មាន៨ភាគរយ បានញ៉ាំប្រភេទតែខ្មៅ តែពុំឃើញមានពីប្រសិទ្ធភាពដូចតែបៃតងនោះទេ។
លោកវេជ្ជបណ្ឌិត Xinyan Wang អ្នកដឹកនាំការស្រាវជ្រាវបានបន្ថែមថា នៅក្នុងតែបៃតង មានសមាសធាតុគីមីប្រមាណ៥០០ប្រភេទ ក្នុងនោះមានសារធាតុល្អជាច្រើនដូចជា Polyphenols ដែលជួយជួសជុលកោសិកា គ្រប់គ្រងជាតិស្ករក្នុងរាងកាយ ព្រមទាំងមានសារធាតុ Epigallocatechin Gallate (EGCG) ជួយអភិវឌ្ឍកោសិកាប្រសាទ ជួយមុខងារវិនិច្ឆ័យរបស់ខួរក្បាល និងបង្កើនស្មារតីផងដែរ។
តែយ៉ាងណាមិញ វេជ្ជបណ្ឌិតជនជាតិចិន ខាងលើបានបញ្ជាក់ថា តែបៃតងពិតជាផ្តល់អត្ថប្រយោជន៍ទាំងនោះមែន ប៉ុន្តែពុំមែនមានន័យថា ទម្លាប់រស់នៅមិនល្អសម្រាប់សុខភាព ហើយអាចរំពឹងពីគុណប្រយោជន៍ពីតែបៃតងមកទូទាត់សងគ្នានោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T