ហ្វីលីពីន៖ ​ប្រជាជនរាប់ពាន់នាក់កំពុងចាកចេញពីផ្ទះសម្បែង ចំណែកជើងហោះហើរជាច្រើនត្រូវបានផ្អាកជាបណ្ដោះអាសន្ន ​​ដោយសារភ្នំភ្លើងមួយនៅប្រទេសហ្វីលីពីនកំពុងតែផ្ទុះឡើង។

ប្រជាជនរួមទាំងអ្នកទេសចរណ៍ក្បែរតំបន់ភ្នំភ្លើងត្រូវជម្លៀសចេញ

ភ្នំភ្លើង Taal ​ក្នុងប្រទេសហ្វីលីពីន​​បានផ្ទុះឡើងកាលពីថ្ងៃអាទិត្យ ដែលវាបាន​ជះផេះ​លាយឡំជាមួយថ្ម​ឡើងទៅលើផ្ទៃមេឃជាង ១គីឡូម៉ែត្រ​ ហើយ​​​​ចាប់ផ្តើមធ្លាក់មកវិញនៅតំបន់ក្បែរនោះ ដែល​​ត្រូវបង្ខំឱ្យអ្នកស្រុកនៅទីនោះ​ពាក់ម៉ាស។

ប្រជាជនរួមទាំងអ្នកទេសចរណ៍ក្បែរតំបន់ភ្នំភ្លើងត្រូវជម្លៀសចេញ

អាជ្ញាធរបានបង្កើនកម្រិតប្រកាសអាសន្នដោយព្រមានថា "ការផ្ទុះដ៏គ្រោះថ្នាក់" អាចកើតឡើងក្នុងរយៈពេលប៉ុន្មានសប្តាហ៍។ ក្រុមមន្រ្តីបាននិយាយថា អ្នកភូមិប្រមាណ ៨,០០០ នាក់នៅលើកោះមួយនៅកណ្តាលបឹងដែលជាកន្លែងភ្នំភ្លើងស្ថិតនៅ ត្រូវបាន​ជម្លៀសចេញពីផ្ទះរបស់ពួកគេ។​​

ប្រជាជនរួមទាំងអ្នកទេសចរណ៍ក្បែរតំបន់ភ្នំភ្លើងត្រូវជម្លៀសចេញ

​នារីជនជាតិហ្វីលីពីន​ម្នាក់បានប្រាប់សារព័ត៌មាន BBC ថា "នាង​​និងអ្នកទេសចរ៨នាក់ រួមទាំង​មគ្គុទេសក៍ ២ នាក់ផ្សេងទៀត ​បានជិះទូកចាកចេញពីកន្លែងដែល​ភ្នំភ្លើង​ផ្ទុះឡើង"។ នាងបានបន្តទៀតថា “យើង​ធ្វើដំណើរកំសាន្ត​បានប្រហែល ៣០នាទី​ ស្រាប់តែពេលនោះភ្នំភ្លើងបានផ្ទុះឡើង ​ហើយពួកយើងមិនបានដឹងមុននោះ​ដែរ" ។

ផេះបានចាប់ផ្តើមធ្លាក់មកវិញ នៅលើតំបន់ជុំវិញភ្នំភ្លើង

គួររំលឹកផងដែរថា ភ្នំ Taal គឺជាភ្នំភ្លើងតូចជាងគេបំផុតមួយនៅលើពិភពលោក។ ហើយវាបាន​ផ្ទុះយ៉ាងហោចណាស់ ៣៤ ដងក្នុងរយៈពេល ៤៥០ ឆ្នាំកន្លងមកនេះ៕

វីដេអូ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ