បូរ៉ាវី កាន់តួនាទីថ្មីពីរក្រោយចូលនិវត្តន៍ និងបង្ហាញអារម្មណ៍សប្បាយចិត្តដែលបឹងកេតមាន សៀង ចន្ធា ព្រោះ…(មានវីដេអូ)

"ដល់ថ្ងៃនេះខ្ញុំបានចូលនិវត្តន៍ពីកីឡាករក្លិបបឹងកេតទៅហើយ តែការងារខ្ញុំរវាងក្លិបមិនទាន់បញ្ចប់នោះទេ គឺខ្ញុំនៅតែជាផ្នែកមួយនៃក្រុមបឹងកេត នៅតែជាគ្រួសារតែមួយរបស់បឹងកេត ដោយឥលូវនេះខ្ញុំទទួលបានតួនាទីជាគ្រូ Academy សម្រាប់ក្រុម U-15 បឹងកេត ហើយមួយទៀតខ្ញុំទទួលបានតួនាទីជាជំនួយការបច្ចេកទេសនៅក្នុងសហព័ន្ធបាល់ទាត់កម្ពុជាផងដែរ ចឹងខ្ញុំនៅតែជាផ្នែកមួយនៃវិស័យបាល់ទាត់កម្ពុជាយើង។"

"ខ្ញុំពិតជាសប្បាយចិត្តមែនទែន ដែលបានទទួលដំណឹងថា សៀង ចន្ធា ជាកីឡាករវ័យក្មេងដែលទើបចូលរួមជាមួយបឹងកេត ហើយគាត់ជាកីឡាករ ដែលមានសក្ដានុពលភាព មានគុណភាពខ្ពស់ក្នុងការលេងបាល់ទាត់ ហើយគាត់បានទទួលយកអាវលេខ៩របស់ខ្ញុំពាក់បន្ត។ ហើយក៏សូមជូនពរឲ្យប្អូនទទួលជោគជ័យនៅក្នុងអាជីពបាល់ទាត់មួយនេះ ក៏ដូចជាក្នុងក្លិបបឹងកេតរបស់យើង៕"