បរទេស៖ កំពូលខ្សែប្រយុទ្ធរបស់ក្លិប Paris Saint-Germain កីឡាករ Neymar បានបង្ហើបប្រាប់ឈ្មោះខ្សែការពារ១រូប ដែលលោកពិបាកឆ្លងផុតជាងគេ ក្នុងនោះដែរគាត់បានជ្រើសរើសកីឡាករ Sergio Ramos ថាជាខ្សែការពារឆ្នើមជាងគេលើពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Neymar បាននិយាយពី Ramos យ៉ាងដូច្នេះថា៖
"ខ្ញុំតែងតែនិយាយពី Sergio Ramos ព្រោះគាត់ជាខ្សែការពារឆ្នើម១រូបក្នុងចំណោមខ្សែការពារល្អៗដទៃនៅលើពិភពលោកដែលខ្ញុំធ្លាប់ជួប។ ហើយខ្ញុំពិតជាគោរពគាត់ នូវអ្វីដែលគាត់បានសម្រេចក្នុងវិស័យបាល់ទាត់នេះ។"
ជាមួយគ្នានេះដែរ Neymar ក៏បាននិយាយពីការរំពឹងទុករបស់គាត់ក្នុងឆ្នាំ២០២០នេះថា៖
"ការរំពឹងទុកដ៏ធំបំផុតរបស់ខ្ញុំ គឺការឈ្នះការប្រកួតឲ្យបានច្រើនតាមតែអាចធ្វើបាន ទាំងក្លិបនិងជម្រើសជាតិ ។ ជាមួយនឹងកាប្រកួតប្រជែងថ្មីដូចជាជួយក្រុមឈានដល់វគ្គផ្ដាច់ព្រ័ត្រ Champions League ឬជួយជម្រើសជាតិឈ្នះ Copa America ម្តងទៀត ហើយទាំងនេះជាការប្រកួតប្រជែងដែលខ្ញុំមានបំណងសម្រេចឲ្យបានក្នុងឆ្នាំ២០២០នេះ។ បើទោះបីជា PSG មិនដែលឈ្នះ Champions League ក៏ដោយ តែពួកយើងនឹងព្យាយាមតស៊ូប្រជែងយកវា៕"
ប្រភព៖ briefly
Bong I.T