ទឹកភ្លោះកើតឡើងពីទឹករងៃ និងឈាមរបស់ម្តាយដែលជ្រាបចូលតាមរយៈសុក វាជួយការពារកូនក្នុងពោះពីការប៉ះទង្គិចផ្សេងៗ រក្សាសីតុណ្ហភាពរបស់គភ៌ ការពារកូនពីជាតិពុល ឬការបង្ករោគផ្សេងៗ និងជួយឲ្យសរីរាង្គទារកលូតលាស់បានល្អ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងករណីមានបញ្ហាមិនប្រក្រតីមួយចំនួន ដើម្បីឲ្យកាន់តែច្បាស់ គ្រូពេទ្យអាចបូមទឹកភ្លោះយកទៅពិនិត្យដែរ គឺនៅពេលគភ៌អាយុបាន ១៥-១៨ សប្តាហ៍ នេះបើតាមការបញ្ជាក់របស់ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែន សុខ លោកវេជ្ជបណ្ឌិត ចាន់ ស៊ីណេត។
ករណីត្រូវបូមទឹកភ្លោះយកទៅវិភាគ៖
– ធ្វើតេស្តឈាមអំឡុងពពោះ កូនមានប្រឈមខ្ពស់នឹងជំងឺមិនប្រក្រតីពីកំណើត– ពិនិត្យអេកូឃើញរូបរាងកូនមិនប្រក្រតី– ក្រុមគ្រួសារមានជំងឺតំណពូជ– ធ្លាប់មានកូនមិនប្រក្រតីពីកំណើត។
ប្រភេទជំងឺពីកំណើតដែលពិនិត្យឃើញតាមរយៈការបូមទឹកភ្លោះទៅវិភាគ៖
ការបូមទឹកភ្លោះយកទៅវិភាគមិនអាចដឹងពីជំងឺពីកំណើតគ្រប់ប្រភេទនោះទេ តែអាចដឹងពីជំងឺសំខាន់ៗមួយចំនួនខាងក្រោមនេះ។
– ជំងឺ Down Syndrome– ជំងឺគ្រាប់ឈាមរាងកណ្តៀវ– ជំងឺតំណពូជដែលប៉ះពាល់ដល់សាច់ដុំ ធ្វើឲ្យសាច់ដុំទន់ ពិបាកធ្វើចលនា– ភាពមិនប្រក្រតីនៃឆ្អឹងកងខ្នង និងខួរក្បាល– ធ្វើតេស្តសួតទារក តើទុំអាចសម្រាលបានឬនៅ? (នៅត្រីមាសទី៣)– រកមេរោគដែលកូនអាចឆ្លងពីម្តាយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T