Real Madrid បានបើកភ្លើងខៀវឲ្យក្លិបរួមលីគ ខ្ចីជើងយកខ្សែប្រយុទ្ធស្លាបវ័យក្មេង១រូប

អេស្ប៉ាញ៖ យោងតាមប្រភពព័ត៌មានមួយក្នុងប្រទេសអេស្ប៉ាញបានឲ្យដឹងថា ក្លិបអធិរាជស Real Madrid បានយល់ព្រមឲ្យក្រុម Getafe ខ្ចីជើងយកខ្សែបម្រើស្លាបវ័យ២០ឆ្នាំកីឡាករ Brahim Diaz ប៉ុន្តែកីឡាកររូបនេះបដិសេធមិនចង់ចាកចេញពីទឹកដី Santiago Bernabéu។

របាយការណ៍របស់កាសែត​ Marca បានបញ្ជាក់ថា កិច្ចចរចារវាងក្លិបទាំងពីរបានឈានដល់កិច្ចព្រមព្រៀង ខណៈ Real Madrid កំពុងជំរុញ​ Diaz ឲ្យចូលរួមជាមួយ​ Gatafe តែសាមីខ្លួនប្រាប់ថា ចង់​ប្រជែងដណ្ដើមកៅអីក្នុងជម្រើសលោក Zidane។

ប្រធានក្លិប Gatafe លោក Angel Torres បានបង្ហើបពីការស្នើសុំចែចូវយកខ្សែបម្រើស្លាបរូបនេះថា៖

គួរឲ្យដឹងដែរថា Diaz បានផ្ទេរពី Manchester City មកចូលរួមជាមួយនឹង Real Madrid កាលពីខែមករា ឆ្នាំ២០១៩ ក្នុងតម្លៃ១៥លានអឺរ៉ូ ហើយគិតមកទល់ពេលនេះរូបគេទើបតែចូលលេងបាន ១៥ប្រកួតប៉ុណ្ណោះ ខណៈបច្ចុប្បន្ន បើតាមរបាយការណ៏បានឲ្យដឹងថា លោក Zidane កំពុងចាប់អារម្មណ៍ទៅលើកូនក្រុមលោក Mourinho កីឡាករ Christian Eriksen និងខ្សែបម្រើឆ្នើមរបស់​ Ajax កីឡាករ Donny Van de Beek មកពង្រឹងក្រុម ដូច្នេះមើលឃើញថាឱកាសក្នុងការដណ្ដើមកៅអី១១នាក់ដំបូងរបស់ Diaz មានកាន់តែតិច៕

ប្រភព៖ allfootballapp