អ្នកណាមិនភ័យ! បើយន្ដហោះរៀបនឹងហោះឡើងហើយស្រាប់តែដាច់កង់ (មានវីដេអូ)

កាណាដា៖ ​អ្នកធ្វើដំណើរជាង ៥០ នាក់ភិតភ័យព្រលឹងចុងសក់ ដោយសារកំហុសបច្ចេកទេសរបស់ក្រុមហ៊ុនអាកាសចរណ៍។  ករណីនេះបានកើតឡើងលើជើងយន្ដហោះរបស់ក្រុមហ៊ុនអាកាសចរណ៍ Canada Express ដែលបម្រុងហោះចេញពីទីក្រុង Montreal ទៅកាន់ទីក្រុង Bagotville។ ដោយសំណាងមិនល្អពេលដែលយន្តហោះរៀបនឹងហោះឡើង ស្រាប់តែមានអណ្ដាតភ្លើងឆេះចេញពីកង់មួយចំហៀង ហើយពេលយន្ដហោះហោះផុតពីដីបន្តិច កង់ដែលឆេះនោះក៏ដាច់ធ្លាក់ចុះបាត់ទៅ។

តាមការឲ្យដឹង អ្នកបើកយន្ដហោះធ្លាប់ទទួលបានការបណ្ដុះបណ្ដាល និងមានបទពិសោធន៍អាចគ្រប់គ្រងស្ថានការណ៍បាន ដូច្នេះយន្ដហោះអាចចុះចតវិញបានដោយសុវត្ថិភាព ហើយគ្មាននរណាម្នាក់រងរបួសដោយសារកំហុសបច្ចេកទេសនោះទេ។

គួរបញ្ជាក់ថាយន្ដហោះប្រភេទនេះមានកង់សរុបចំនួន ៣ឈុត និងមាន៦គ្រាប់ដែលមាននៅផ្នែកខាងស្ដាំនៃស្លាប២ ផ្នែកខាងឆ្វេងនៃស្លាប២ និងខាងមុខចំនួន២ ផងដែរ៕

មានវីដេអូខាងក្រោម៖