អឺរ៉ុប៖ ខ្សែប្រយុទ្ធរបស់ក្លិបអ្នកមាននៅបារាំង Paris Saint-Germain កីឡាករ Kylian Mbappe គឺជាអនាគតនៃកីឡាករបាល់ទាត់លំដាប់កំពូល ខណៈបច្ចុប្បន្នរូបគេគឺជាកីឡាករដែលមានហាងឆេងតម្លៃខ្លួនខ្ពស់ជាងគេបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធវ័យក្មេងដែលជួយឲ្យបារាំងឈ្នះពាន FIFA World Cup 2018 រូបនេះកំពុងតែឈរជាកីឡាករដែលមានតម្លៃខ្លួនថ្លៃជាងគេបំផុត នៅក្នុងហាងឆេងទីផ្សារនាពេលបច្ចុប្បន្ន ដោយ Raheem Sterling ឈរនៅចំណាត់ថ្នាក់លេខ២ និង Mohamed Salah ឈរនៅចំណាត់ថ្នាក់លេខ៣។
យោងតាមទិន្នន័យដែលធ្វើបច្ចុប្បន្នភាពចុងក្រោយបំផុតរបស់ CIES Football Observatory បានបង្ហាញឲ្យឃើញថាអតីតខ្សែប្រយុទ្ធរបស់ Monaco រូបនេះមានតម្លៃខ្លួនរហូតដល់ទៅ ២៦៥.២លានអឺរ៉ូ។
ផ្អែកតាមទិន្នន័យខាងលើ កីឡាករដែលជាប់ចំណាត់ថ្នាក់មានតម្លៃខ្លួនថ្លៃជាងគេបំផុតទាំង ៥រូបនាពេលបច្ចុប្បន្នរួមមាន៖
- លេខ១ ៖ Kylian Mbappe (២៦៥,២លានអឺរ៉ូ)
- លេខ២ ៖ Raheem Sterling (២២៧,៧លានអឺរ៉ូ)
- លេខ៣ ៖ Mohammed Salah (១៧៥,១លានអឺរ៉ូ)
- លេខ៤ ៖ Jadon Sancho (១៦៨,៩លានអឺរ៉ូ)
- លេខ៥ ៖ Sadio Mane (១៥៥លានអឺរ៉ូ)
ប្រភព៖ Marca