រុស្ស៊ី៖ នេះជាលើកទីមួយហើយដែលអ្នកស្រាវជ្រាវបានរកឃើញអដ្ឋិធាតុអ្នកចម្បាំងអាម៉ាហ្សូនចំនួន ៤ នាក់ដែលមានអាយុកាលខុសគ្នានៅក្នុងផ្នូរតែមួយ។ នេះបើយោងតាមការចេញផ្សាយដោយវិទ្យាស្ថានបុរាណវិទ្យា RAS របស់ប្រទេសរុស្ស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងផ្នូរគេរកឃើញគ្រោងឆ្អឹងរបស់ស្ត្រី៤នាក់ ដោយក្នុងនោះគ្រោងឆ្អឹងទី១ត្រូវបានគេប៉ាន់ស្មានថាបានស្លាប់នៅអាយុចន្លោះពី១២-១៣ឆ្នាំ, ទី ២ អាយុពី ២០-២៩ ឆ្នាំ, ទី៣ អាយុពី ២៥-៣៥ ឆ្នាំនិងទី៤ អាយុពី ៤៥-៥០ ឆ្នាំ។ Scythians គឺជាកុលសម្ព័ន្ធនៃក្រុមអ្នកប្រយុទ្ធបន្ទាប់បន្សំដែលរស់នៅទូទាំងតំបន់ស៊ីបេរីចន្លោះពី ២០០-៩០០ឆ្នាំ មុន គ.ស។ ហើយអ្នកចម្បាំងអាម៉ាហ្សូនគឺដូចទៅនឹងអ្វីដែលបានបង្ហាញនៅក្នុងខ្សែភាពយន្តរឿង "Wonder Woman" គឺជាស្ត្រីអ្នកចម្បាំង Scythian ។
វត្ថុដែលអ្នកបុរាណបានរកឃើញជាមួយអដ្ឋិធាតុ អាចជួយអ្នកស្រាវជ្រាវប៉ាន់ប្រមាណថា សាកសពរបស់អ្នកចម្បាំងស្ត្រីទាំងនោះគឺត្រូវបានគេកប់ក្នុងអំឡុងសតវត្សរ៍ទី ៤ មុនគ.ស ។
ក្បាលព្រួញដែក កាំបិតដែក ឆ្អឹងសត្វ រួមជាមួយរបស់ផ្សេងៗទៀតត្រូវបានគេរកឃើញជាមួយក្មេងស្រីវ័យជំទង់និងស្ត្រីវ័យក្មេងម្នាក់។ ផ្នែកខ្លះនៃផ្នូររបស់ពួកគេត្រូវបានរងការយាយីដោយចោរលួចគាស់ផ្នូរនៅសម័យបុរាណ។ ប៉ុន្តែផ្នូររបស់នារីវ័យក្មេងម្នាក់និងស្ត្រីចំណាស់ទៀត នៅតែមានសភាពល្អដដែល។
អដ្ឋិធាតុត្រូវបានគេរកឃើញនៅក្នុងទីបញ្ចុះសពដែលគេស្គាល់ថា Devitsa V ជាទីតាំងមួយធ្លាប់ត្រូវបានគេសិក្សាតាំងពីឆ្នាំ ២០១០ នៅក្នុងតំបន់មួយនៃទីក្រុង Voronezh នៃប្រទេសរុស្ស៊ី។ ឆ្នាំនេះបេសកកម្មបុរាណវិទ្យាពីវិទ្យាស្ថានបុរាណវិទ្យារុស្ស៊ីបានជីករកឃើញសាកសពស្ត្រីបួននាក់នៅលើទីទួលមួយ។ លោក Valerii Guliaev ប្រធានបេសកកម្មនេះក៏បានបន្ថែមដែរថា "បេសកកម្មរបស់យើងទាំងអស់គឺបានរកឃើញកន្លែងបញ្ចុះសពរបស់អ្នកចម្បាំងស្ត្រីប្រមាណ ១១ នាក់។ ទីតាំងដាច់ដោយឡែកត្រូវបានរៀបចំសម្រាប់ពួកគេ ហើយពិធីបញ្ចុះសពទាំងអស់ដែលជាធម្មតាត្រូវបានធ្វើឡើងសម្រាប់បុរស គឺត្រូវបានរៀបចំសម្រាប់អ្នកចម្បាំងស្ត្រីទាំងនោះដែរ" ៕