រាកធម្មតា និងរាកមួល មានភាពខុសគ្នា ហើយការប្រើប្រាស់ថ្នាំព្យាបាលក៏មិនដូចគ្នាទាំងស្រុងដែរ។ ដើម្បីជាចំណេះដឹងលោកវេជ្ជបណ្ឌិត ហ៊ាង រតនា ឯកទេសទូទៅ បានចែករំលែកពីចំណុចខុសគ្នាមួយចំនួនឲ្យម៉ាក់ប៉ាចេះសង្កេតកូនដោយខ្លួនឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- រាកធម្មតា
- រាកដោយសារពួកវីរុស អាហារគ្មានអនាម័យ និងដោយសារអាមីម
- មិនសូវមានគ្រោះថ្នាក់
- បាត់បង់ជាតិទឹកច្រើន
- រាកគ្មានឈាម ឬសំបោរ
- មិនក្ដៅខ្លួន
- យ៉ាងយូរ ៣-៧ ថ្ងៃ
- មិនបណ្ដាលឲ្យរលាកគូទ។
២- រាកមួល
- រាកមួលដោយសារបាក់តេរីខ្លាំង ក្តៅចាប់ពី ៣៩-៤០ អង្សារសេ
- រាកមួលមានឈាម ឬសំបោរលាយមកជាមួយ
- រាកមួលអាចជាចន្លោះពី ៧ ថ្ងៃឡើងទៅ
- លាមកក្ដៅ
- បណ្ដាលឲ្យរលាករន្ធគូទ និងបរិវេណនោះ
- ចៀសវាងជូតសម្អាតគូទកូនដោយកន្សែងត្រជាក់ តែត្រូវលាងនឹងទឹកវិញទើបល្អ
- ក្រោយរលាកផ្លូវដង្ហើម ផ្ដាសាយ រលាកបំពង់ក ៣០-៤០% អាចបណ្ដាលទៅជារាកមួលដោយសារមេរោគនៅផ្លូវដង្ហើមធ្លាក់ចូលទៅក្នុងពោះវៀនពេលញ៉ាំ ឬលេបទឹកមាត់។
លោកវេជ្ជបណ្ឌិតរូបនោះបានឲ្យដឹងទៀតថា រាកប្រភេទណាក៏ម៉ាក់ប៉ាត្រូវតែប្រុងប្រយ័ត្នដែរ ព្រោះបាត់បង់ជាតិទឹកពីក្នុងខ្លួន ដូចនេះបើមិនបានបំពេញជាតិទឹកឡើងវិញពេលកំពុងឈឺ កូនអាចប្រឈមមុខនឹងគ្រោះថ្នាក់ដល់ជីវិត។ ចំណុចគួរចងចាំ ពេលកូនរាកត្រូវព្យាយាមឲ្យកូនញ៉ាំទឹក ឬទឹកអូរ៉ាលីត អាហារ ផ្លែឈើ ឲ្យបានច្រើន ទោះជាកូនមិនចង់ក៏ដោយ ដើម្បីកុំឲ្យកូនបាក់កម្លាំង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T