នាយករដ្ឋមន្រ្តីវ័យ៣៤ ឆ្នាំលោកស្រី Sana Marin បានអំពាវនាវឲ្យមានការកាត់បន្ថយម៉ោងការងារក្នុងន័យឲ្យបុគ្គលិកមានភាពរីករាយនឹងកាតព្វកិច្ចរបស់ខ្លួន។ នាយករដ្ឋមន្ត្រីថ្មីរបស់ប្រទេសហ្វាំងឡង់រូបនេះ បានពន្យល់ផងដែរថាគោលបំណងរបស់លោកស្រី គឺចង់ផ្តល់នូវអនុសាសន៍ឲ្យប្រជាជនហ្វាំងឡង់ធ្វើការមួយសប្តាហ៍ត្រឹម៤ថ្ងៃ ហើយមួយថ្ងៃត្រឹមតែ៦ម៉ោងបានហើយ។ កាអំពាវនាវនេះធ្វើឡើងក្នុងពិធីជួបជុំខួបគម្រប់១២០ឆ្នាំនៃការបង្កើតគណបក្សប្រជាធិបតេយ្យរបស់លោកស្រី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រីបានបង្ហាញនូវសុទិដ្ឋិនិយមថា៖ «ហេតុអីវាមិនមែនជាជំហានបន្ទាប់សម្រាប់ពួកយើង? ការងារមួយថ្ងៃដល់ទៅ៨ម៉ោង វាគួរតែដើរដល់ផ្លូវបញ្ចប់ហើយ? ខ្ញុំជឿថាប្រជាជនដែលជាបុគ្គលិកក្នុងស្ថាប័ននីមួយៗ គួរតែមានពេលវេលាគ្រប់គ្រាន់សម្រាប់ចំណាយទៅលើគ្រួសារ ភរិយាឬស្វាមី សិល្បៈ ការកំសាន្ត និងទិដ្ឋភាពខ្លះៗក្នុងជីវិតរបស់គេឲ្យកាន់តែមានន័យ។»
ក្រៅពីលើកឡើងពីបញ្ហាម៉ោងការងារ ទំនងជាចង់លើកទឹកចិត្តដល់ស្រ្តីវ័យក្មេងដទៃទៀត ឲ្យកាន់តែមានភាពរឹងប៉ឹងជាងមុន អ្នកនយោបាយរូបនេះប្រាប់ថា តាមពិតទៅរឿងអាយុតិច និងភេទជាស្រីមិនមានឥទ្ធិពលអវិជ្ជមានណាមួយលើលោកស្រីឡើយ។ មិនមានប៉ះពាល់ត្រង់ថា ការលើកទឹកចិត្តទៅវិញទេ ដែលជាចង្កូតដ៏ធំមួយដែលដឹកដៃលោកស្រីឲ្យប្រឡូកក្នុងឆាកនយោបាយ រហូតបានក្លាយជានាយករដ្ឋមន្ត្រី។
គួរបញ្ជាក់ថា នាយករដ្ឋមន្ត្រី Sanna Marin ជាអ្នកនយោបាយដែលបានជាប់ឈ្មោះជានាយករដ្ឋមន្ត្រីវ័យក្មេងជាងគេនៅលើពិភពលោកត្រឹមអាយុ ៣៤ ឆ្នាំនៅក្នុងប្រទេសហ្វាំងឡង់៕