តោះ! មកទស្សនាបច្ចេកទេស និងការញាក់របស់ Minamino ក្នុងការបង្ហាញខ្លួនលើកដំបូងឲ្យ Liverpool (មានវីដេអូ)

អង់គ្លេស៖ ក្លិបបាល់ទាត់ហង្សក្រហម Liverpool បានប្រកួតឈ្នះ Everton ដោយលទ្ធផល ១ទល់នឹង០ កាលពីយប់មិញ នៅក្នុងការប្រកួតពានរង្វាន់ FA Cup ជុំទីបី។

អ្វីដែលគួរឲ្យចាប់អារម្មណ៍សម្រាប់ការប្រកួតនោះ គឺវត្តមានជាលើកដំបូងរបស់ខ្សែប្រយុទ្ធជប៉ុនចំណូលថ្មី Takumi Minamino ចូលលេងឲ្យ Liverpool។ អ្នកចាត់ការទូទៅរបស់ក្រុមជើងឯក Champions League រដូវកាលមុនលោក Jurgen Klopp បានដាក់ខ្សែប្រយុទ្ធជប៉ុនរូបនេះឲ្យចូលខ្លួនក្នុងជម្រើស១១នាក់ដំបូង។

បង្ហាញខ្លួននៅលើវាលស្មៅឲ្យ Liverpool ជាលើកដំបូង Minamino ធ្វើបានយ៉ាងល្អ និងលេងបាន៧០នាទី ក៏ត្រូវប្ដូរចេញជំនួសវិញដោយមិត្តរួមក្រុម Alex Oxlade-Chamberlain។ ក្រោយចប់ការប្រកួតលោក Klopp ក៏បានសរសើរដល់ទម្រង់លេងរបស់ Minamino ផងដែរសម្រាប់ប្រកួតដំបូង។

គួរបញ្ជាក់ដែរថា Liverpool បានទិញខ្សែប្រយុទ្ធដែលធ្លាប់លេងប៉ះកម្ពុជារូបនេះពីក្លិប Red-Bull Salzburg កំឡុងទីផ្សារដោះដូរកីឡាករខែមករានេះ៕

ចង់ឃើញថា Minamino បង្ហាញបច្ចេកទេស និងទម្រង់លេងយ៉ាងណាឲ្យ Liverpool ក្នុងប្រកួតដំបូង ទៅតាមដានវីដេអូខាងក្រោមទាំងអស់គ្នា៖