អាមេរិក៖ ទីភ្នាក់ងារអវកាសអាមេរិកណាសាបានចាប់ផ្តើមគំនិតនៃគម្រោងថ្មីមួយដែលចំណាយទឹកប្រាក់ជាង ៧ពាន់លានដុល្លារ ដើម្បីស្រាវជ្រាវរកភពដែលដូចផែនដីនៅក្នុងកាឡាក់ស៊ីរបស់យើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគម្រោងនោះហៅថា HabEx នឹងស្វែងរកសារធាតុសំខាន់ៗដូចជា ទឹកនិងកាបូនឌីអុកស៊ីតនៅលើភពផ្សេងៗ។
ទីភ្នាក់ងារអវកាសណាសានឹងចាប់ផ្តើមបេសកកម្មមួយនៅឆ្នាំ
២០៣០ ដើម្បីស្វែងរក
“ភពផែនដីទី២” ក្នុងកាឡាក់ស៊ីរបស់យើង។ នៅក្នុងបេសកកម្មដែលមានឈ្មោះថា
HabEx (Habitable Exoplanet Observatory) អង្គការ NASA
គ្រោងនឹងប្រើតេឡេស្កូបថ្មី ដែលមានទំហំធំជាងតេឡេស្កូប Hubble ចាស់ជិតពីរដង។
HabEx គឺជាការរចនាឡើងមួយដែលវាអាចការពារពន្លឺផ្កាយពីខាងលើ ដូច្នេះវាអាចស្វែងរកផ្កាយដែលមានពន្លឺខ្សោយនៅឆ្ងាយ ហើយស្វែងរកសញ្ញានៃជីវិតដូចជាទឹកនិងកាបូនឌីអុកស៊ីត។គោលបំណងនៃបេសកកម្មនេះ គឺដើម្បីស្រាវជ្រាវទៅលើភពខាងក្រៅដែលដូចផែនដី ក៏ដូចជាវិភាគលើបរិយាកាសនៃភពទាំងនោះ។
គំរោងនេះគឺជាគំនិតមួយក្នុងចំណោមគំនិតចំនួនបួន ដែលអង្គការណាសាបានស្នើ។ លើសពីនេះទៀត គំនិតនេះនឹងស្វែងយល់ពីជម្រៅនៃទីអវកាសរយៈពេល១០ឆ្នាំ ដែលវាជាបេសកកម្មចំណាយច្រើនបំផុតក្នុងចំណោមបេសកកម្មផ្សេងទៀត ជាមួយនឹងថវិកាដ៏ច្រើនសន្ធឹកសន្ធាប់ដល់ទៅ៧ ពាន់លានដុល្លារ។
លោក Scott Gaudi អនុប្រធាននៃគម្រោងនេះបានមានប្រសាសន៍ថា “គោលបំណងរបស់ពួកគេគឺស្វែងរកជីវិតស្រដៀងនឹងផែនដីនិងចង់ដឹង ថាតើពួកគេអាចរកឃើញភពមួយផ្សេងទៀតដែលអាចទ្រទ្រង់ជីវិតបានដែរឬទេ”។
ជាមួយនឹងការសម្រេចចិត្តចុងក្រោយ គឺថាការងារនឹងចាប់ផ្តើមសម្រាប់គម្រោង HabEx ដែលជាគំនិតមួយនៃគំនិតបេសកកម្មបួនផ្សេងគ្នា ដែលកំពុងត្រូវបានរៀបចំសម្រាប់ការស្ទង់មតិឆ្នាំ ២០២០ ។ នៅត្រង់ចំណុចនេះឆ្នាំ២០៣០ ត្រូវបានគេចាត់ទុកថា វាជាពេលវេលាសមរម្យសម្រាប់កាលបរិច្ឆេទចាប់ផ្តើមនៃគម្រោង៕