អូស្ត្រាលី៖ នាវាកងទ័ពជើងទឹកអូស្ត្រាលីកាលពីថ្ងៃសុក្របានចាប់ផ្តើមជម្លៀសមនុស្សប្រមាណ៩០០នាក់ ដែលជាប់នៅលើឆ្នេរសមុទ្រក្នុងរដ្ឋ Victoria ដោយសារភ្លើងឆេះព្រៃ។ គ្រោះអគ្គិភ័យនេះត្រូវបានគេរំពឹងថា នឹងបន្តរហូតដល់ចុងសប្តាហ៍ ខណៈសីតុណ្ហភាពនៅតែបន្តឡើងខ្ពស់បំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាគច្រើននៃអ្នកដែលត្រូវបានគេជួយសង្គ្រោះ គឺភាគច្រើនបាននឹងកំពុងធ្វើដំណើរកម្សាន្តក្នុងថ្ងៃវិស្សមកាលនៅពេលដែលភ្លើងឆេះព្រៃចាប់ផ្តើមឈានទៅដល់ទីក្រុង Mallacoota ដោយវាបានកាត់ផ្តាច់ផ្លូវ និងត្រូវបង្ខំឱ្យអ្នកដែលធ្វើដំណើរកម្សាន្តទាំងនោះរត់ភៀសខ្លួនទៅតំបន់ឆ្នេរ។ ឧទ្ធម្ភាគចក្របានដឹកអ្នកដំណើរមួយចំនួនដែលមិនអាចធ្វើដំណើរតាមនាវាបាន ដោយឱ្យអ្នកដំណើរទាំងនោះឡើងជណ្តើរខ្សែពួរ។
មន្ត្រីនៅក្នុងរដ្ឋ Victoria បានប្រកាសពីគ្រោះមហន្តរាយមួយកាលពីថ្ងៃព្រហស្បតិ៍ រួមទាំងបានធ្វើការជម្លៀសទាំងប្រជាជននៅឆ្នេរសមុទ្រភាគខាងកើត។ ផ្ទះជាង ១ ០០០ ខ្នងត្រូវបានបំផ្លាញនៅក្នុងគ្រោះអគ្គិភ័យ ហើយព្រមទាំងបានលេបត្របាក់ទាំងដីព្រៃជាង១៥ លានហិចតា។
រដ្ឋមន្ត្រីរបស់រដ្ឋ Victorian លោក Daniel Andrews បាននិយាយកាលពីថ្ងៃសុក្រថា “ប្រសិនបើអ្នកអាចចាកចេញបាន គឺអ្នកត្រូវតែចាកចេញ ព្រោះយើងក៏មិនអាចធានាសុវត្ថិភាពរបស់អ្នកដែរ”។
កាលពីថ្ងៃព្រហស្បតិ៍រដ្ឋញូវសៅវែលបានប្រកាសអាសន្ន និងធ្វើការជម្លៀសប្រជាជនចេញពីតំបន់ភាគអាគ្នេយ៍ ដែលមន្ត្រីម្នាក់បាននិយាយថា វាគឺជាការជម្លៀសដ៏ធំបំផុតនៅក្នុងប្រវត្តិសាស្ត្ររបស់តំបន់នេះ។ គួរកត់សម្គាល់ផងដែរថា មានមនុស្ស៩នាក់បានស្លាប់នៅសប្តាហ៍នេះ ដែលចំនួនសរុបជាផ្លូវការ គឺឈានដល់១៨នាក់ហើយ។
ក្រុមអ្នកព្យាករណ៍កំពុងព្យាករណ៍អាកាសធាតុថ្មីនៅចុងសប្តាហ៍នេះ ដោយកំដៅគឺនៅតែក្តៅខ្លាំងដែលអាចបង្កជាភ្លើងឆេះព្រៃកាន់តែច្រើន។ សីតុណ្ហភាពត្រូវបានគេរំពឹងថា នឹងកើនឡើងដល់ ៤០អង្សាសេនៅក្នុងតំបន់ជាច្រើន ដែលបង្កើតលក្ខខណ្ឌសម្រាប់អគ្គិភ័យកាន់តែឆាបឆេះជាមួយនឹងកម្លាំងខ្យល់បក់កាន់តែខ្លាំង៕
Bong I.T