ម៉ាឡេស៊ី៖ រដ្ឋមន្រី្តក្រសួងអប់រំរបស់ប្រទេសម៉ាឡេស៊ីលោក Maszlee Malik ដែលទទួលរងការរិះគន់យ៉ាងខ្លាំងតាំងពីចូលកាន់តំណែងមក ពេលនេះបានប្រកាសចុះចេញពីតំណែងហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសន្និសីទកាសែតមួយនៅទីក្រុង Putrajaya កាលពីថ្ងៃព្រហស្បត្តិ៍ម្សិលមិញ លោកបណ្ឌិត Maszlee បានប្រាប់ឲ្យដឹងថាលោកបានប្រាប់ទៅលោកនាយករដ្ឋមន្ត្រី Mahathir Mohamad ជុំវិញការចុះចេញពីតំណែងរបស់លោក ហើយនាយករដ្ឋមន្ត្រីដែលមានវ័យច្រើនជាងគេនៅលើពិភពលោករូបនេះក៏បានឯកភាពផងដែរ។
បុរសវ័យ៤៦ឆ្នាំ និងជាអតីតសាស្រ្តាចារ្យ លោក Maszlee Malik បានចូលមកកាន់តំណែងជារដ្ឋមន្រ្តីអប់រំរបស់ប្រទេសម៉ាឡេស៊ីកាលពីខែឧសភា ឆ្នាំ២០១៨។ ការប្រកាសចាកចេញជាផ្លូវការពីតំណែងជារដ្ឋមន្រ្តីអប់រំម៉ាឡេស៊ីរបស់លោកបណ្ឌិត Maszlee ធ្វើឡើងនៅថ្ងៃសុក្រនេះតែម្ដង ខណៈដែលមូលហេតុនៃការលាលែងពីតំណែងត្រូវបានគេដឹងថាដោយសារមិនមានភាពជោគជ័យក្នុងការធ្វើកំណែទម្រង់ស្ដង់ដារអប់រំ៕
ប្រភព៖ cna