ក្រោយលែងគ្នា ហាន់ ជីអ៊ុនដើរលេងជីវិតជាមេម៉ាយយ៉ាងសប្បាយ ចំណែកឯ Song Joong Ki វិញបាក់សម្រស់!

កូរ៉េខាងត្បូង៖ យោងតាមការចុះផ្សាររបស់សារព័ត៌មានចិន Sina បានឲ្យដឹងថា កាលពីថ្មីៗនេះ អ្នកគាំទ្របានប្រទះឃើញ តារាសម្តែងប្រុស Song Joong Ki បានទៅទស្សនាសិល្បៈគំរូ នៅឯ Wonju Art Exhibition ដើម្បីគាំទ្រដល់សិល្បៈគំរូរបស់មិត្តភក្តិជិតដិតទាំង២របស់លោក គឺលោក Jin Seon Kyu និង Lee Hee Joon។

យ៉ាងណាមិញ គេសង្កេតឃើញថា តារាប្រុសរូបនេះពិតជាមានទឹកមុខរីករាយណាស់ និងបានរូបថតជាមួយនឹងហ្វេនៗដែលនៅទីនោះផងដែរ។ ដោយឡែកទោះជាយ៉ាងណា មើលទៅរូបសម្រស់របស់លោក គឺមិនសូវជាស្រស់សង្ហាមានសាច់ឈាមសខ្ចីអ្វីដូចពីមុនឡើយ ដោយយោងតាមរូបថតខាងក្រោមនេះ បានឲ្យឃើញថា សម្រស់របស់លោក Song Joong Ki ហាក់បីដូចជាមានភាពជ្រៀវជ្រួញជាងកាលពីមុន បន្ទាប់ពីលែងលះគ្នាហើយជាមួយនឹង កំពូលតារាសម្តែងស្រី Song Hye Kyo។

ដោយឡែក បើងាកមកចាប់អារម្មណ៍ពីជីវិតក្រោយលែងលះរបស់ តារាសម្តែងស្រីមេម៉ាយក្តៅស្រួយរបស់ Song Hye Kyo ឯណេះវិញ គេសង្កេតឃើញថា នាងបានរីករាយជាមួយនឹងជីវិតនៅលីវម្តងទៀត ដោយការដើរលេងកម្សាន្តជាមួយនឹងមិត្តភក្តិ បង្ហោះរូបថតនៅលើគណនីអ៊ីនស្តារក្រាម យ៉ាងមានសេចក្តីសុខ ដោយគ្មានខ្វល់ខ្វាយកើតទុក្ខអ្វីឡើយ។ ចំណែកឯសម្រស់វិញ គឺកាន់តែស្រស់ស្អាតជាងមុនទៅទៀត៕