អតីតកីឡាករមួយរូបរបស់ Real Madrid ចង់ឲ្យ Zidane គិតគូររឿងទិញខ្សែប្រយុទ្ធឆ្នើមម្នាក់នេះ មិនថាថ្លៃប៉ុណ្ណាទេ

អេស្ប៉ាញ៖ អតីតខ្សែប្រយុទ្ធជួរមុខលោក Hugo Sanchez បានជំរុញឲ្យអតីតក្លិបរបស់ខ្លួន Real Madrid ពិចារណាក្នុងការនាំយកខ្សែប្រយុទ្ធជម្រើសជាតិអង់គ្លេស Harry Kane ពីក្លិប Tottenham Hotspur។

តាមពិតទៅនៅប៉ុន្មានរដូវកាលចុងក្រោយនេះ ក្លិបយក្សអេស្ប៉ាញ​ Real Madrid ក៏បានដាក់ការចាប់អារម្មណ៍មកលើខ្សែប្រយុទ្ធវ័យ២៦ឆ្នាំ Kane ផងដែរ ប៉ុន្តែមិនមានជាការដាក់សំណើ ឬចរចាផ្លូវការជាមួយ Spurs នោះឡើយ។

អតីតខ្សែប្រយុទ្ធដែលរកបាន១៦៤គ្រាប់ឲ្យ Real Madrid លោក Hugo Sanchez បានបញ្ចេញយោបល់ថាលោក Zinedine Zidane គួរតែចំណាយលុយធំទិញយកកូនក្រុមរបស់លោក Jose Mourinho ម្នាក់នេះ មិនថាម្លៃខ្លួនរបស់គេ ២០០លានអឺរ៉ូនោះទេ។ ថ្លែងប្រាប់កាសែតកីឡា MARCA លោក Hugo Sanchez បានឲ្យដឹងថា៖

គួរឲ្យដឹងដែរថា Kane ទើបតែស៊ុត១គ្រាប់ឲ្យ Spurs កាលពីយប់មិញ ដែលជាគ្រាប់ទី១៧ ក្នុងចំណោមការបង្ហាញខ្លួន ២៤ប្រកួតនៅរដូវកាលនេះ។ សរុបជារួម Kane រកបាន ១៨១គ្រាប់ហើយ ក្នុងការបង្ហាញខ្លួនលើវាលស្មៅ ២៧៧ប្រកួតឲ្យក្លិបមានមូលដ្ឋាននៅទីក្រុងឡុងដ៍ ក្នុងនាមជាខ្សែប្រយុទ្ធ៕

ប្រភព៖ SportsMole