គំនិតពិសពុលទាំង ១២ យ៉ាងដែលបំផ្លាញសេចក្តីសុខរបស់អ្នក៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. គិតថាអ្នកអាចផ្លាស់ប្តូរអ្នកដទៃ ៖ អ្នកអាចធ្វើឲ្យអ្នកដទៃគិត តែអ្នកមិនអាចធ្វើឲ្យគេកែប្រែតាមចិត្តចង់របស់អ្នកនោះទេ ព្រោះអ្វីដែលអ្នកចង់ ជាទូទៅមិនមែនជាគោលដៅចម្បងបង្អស់ដែលគេចង់បាននោះឡើយ។
២. រំពឹងថាអ្នកអាចកែប្រែអ្វីៗដែលមិនអាចផ្លាស់ប្តូរ ៖ ទោះបីការប្រែប្រួលវាគឺជាច្បាប់របស់ធម្មជាតិ តែច្បាប់ធម្មជាតិនេះវាមិនប្រែប្រួលឡើយ។ មានតែត្រូវបាត់បង់ ឬគ្រប់យ៉ាងសុទ្ធតែមានហេតុផល។
៣. ជឿជាក់ថាស្មៅតែងតែមានពណ៌បៃតង៖ ស្មៅនឹងមានពណ៌បៃតង ត្រង់កន្លែងណាដែលអ្នកស្រោចទឹកតែប៉ុណ្ណោះ។ កុំចេះតែធ្វើតាមទម្លាប់ដែលធ្វើតគ្នា ដោយមិនពិចារណាហេតុផល និងស្ថានភាព។
៤. សង្ឃឹមច្រើនពេកលើអ្នកដទៃ ឬទាមទារការយកចិត្តទុកដាក់ពីអ្នកដទៃខ្ពស់ពេក៖ ការទាមទារគឺជាប្រភពនៃទុក្ខសោក។ កុំរស់ដោយពឹងផ្អែកទៅលើអ្នកដទៃ ចូររៀនរស់ដោយពឹងផ្អែកលើខ្លួនឯង។
៥. ទាមទារទាល់តែមានអ្នកណាម្នាក់នៅជាមួយអ្នក ទើបជីវិតមានន័យ៖ គ្មាននរណាម្នាក់អាចកំដរអ្នកជានិរន្តរ៍បានឡើយ។ រៀនរស់ឯកោដោយមិនមានអ្នកកំដរក្នុងពេលវេលាខ្លះ ទើបអ្នកជាមនុស្សរឹងមាំ។
៦. គិតថា អ្នកចាំបាច់ ត្រូវតែត្រឹមត្រូវ៖ គ្មាននរណាម្នាក់អាចត្រឹមត្រូវរហូតនោះទេ មុននឹងត្រឹមត្រូវទាល់តែមានកំហុសសិន ពិសេសត្រូវទទួលស្គាល់ភាពត្រឹមត្រូវរបស់មនុស្ស តែងតែមានកម្រិតទៅតាមស្ថានភាព ទៅតាមកម្រិត។
៧. បារម្ភខ្លាំងពេកចំពោះការគិតរបស់អ្នកដទៃមកលើជីវិតអ្នក៖ អ្នកមិនអាចគ្រប់គ្រងគំនិត ឬការគិតរបស់អ្នកដទៃចំពោះសកម្មភាពរបស់អ្នកបានឡើយ ឲ្យតែថាវាល្អ និងស្រប់ច្បាប់ ចូរធ្វើវាទៅ។
៨. ប្រកាន់ឥរិយាបថថាត្រូវតែមានមួយខុស មួយត្រូវ៖ ចូរអ្នកអនុវត្តយុទ្ធសាស្ត្រឈ្នះឈ្នះ កុំឲ្យនរណាម្នាក់ចាញ់ ទើបគ្រប់យ៉ាងដំណើរការល្អៗ គ្មានអ្នកខុស និងត្រូវឡើយក្នុងការរកដំណោះស្រាយ។
៩. មានអារម្មណ៍ថាមិនទាន់បានរៀបចំខ្លួនឲ្យបានល្អដើម្បីអនាគត៖ អនាគតមានរឿងអ្វីកើតឡើង គឺគ្មាននរណាម្នាក់ដឹងឡើយ ចូររស់នៅក្នុងថ្ងៃនេះឲ្យបានល្អប្រសើរជាងថ្ងៃម្សិល នោះថ្ងៃស្អែកនឹងល្អ។
១០. គិតថាខ្លួនអ្នកជាជនរងគ្រោះ ឬជាមនុស្សទន់ខ្សោយ៖ គិតថាខ្លួនឯងអន់ គឺជាការប្រមាថខ្លួនឯង និងជំរុញឲ្យអ្នកកាន់តែអស់សង្ឃឹម និងលែងមានឆន្ទៈក្នុងការរស់។
ប្រភព៖ អត្ថបទលោកគ្រូ គង់ ម៉េង