ពាក្យម៉ែ៖ ពេលកូនមានប្ដី ហេតុអី កូនគួររក្សាចិត្ត​ឲ្យ​ដូច​ជាទឹក?

ជីវិតអាពាហ៍ពិពាហ៍អាចនឹងមិនងាយស្រួលដូចក្តីសុបិន្តក្នុងរឿងនិទាន។ ជាពិសេសកូនស្រី អ្នកអាចនឹងជួបប្រទះនូវពាក្យធ្ងន់ស្រាលមិនតិចទេ ដែលធ្វើឲ្យជីវិតមានផ្អែមខ្លះ​ ជូរចត់ខ្លះដែលពិបាកនឹងបរិយាយ។

តែបើទោះបែបនេះក្តី ហេតុផលខ្លះបានជម្រុញឲ្យយើងកាន់តែមានភាពរឹងមាំ។ ក្រោយរៀបការរួច យើងត្រូវប្រទះនឹងស្ថានភាពច្រើនជំពូក។ យើងត្រូវមានភាពអត់ធ្មត់​ និងពិចារណាវែងឆ្ងាយ ហើយរឹតតែមិនអាចឆេវឆាវដូចពេលនៅខ្លួនមួយ។

ហើយមួយទៀតបើទោះបីកូនស្រីខឹងប្ដីក៏ដោយ៖

១. កូនកុំប្រើពាក្យជេរប្រមាថ មើលងាយមើលថោកប្ដី ព្រោះក្ដីសុខនឹងរលាស់ចេញពីផ្ទះ​ទៅម្ដង​បន្ដិចៗ ខណៈក្ដីក្ដៅក្រហាយនឹងហូរចូលមករាល់ថ្ងៃ។

២.​ កូនពុំគួរទុកចង្ក្រានចោលដោយមិនរវល់រឿងចានឆ្នាំង បាយម្ហូបឡើយ។

៣.​ ពេលខ្លះគេត្រូវការនៅស្ងាត់ម្នាក់ឯង ត្រូវការពេលវេលាផ្ទាល់ខ្លួន។ 

៤. កុំយកកំហឹង​ មកជជែកយកឈ្នះចាញ់ភ្លាមៗ។

ចំណុចខ្លះទៀត ជាកូនស្រីត្រូវមានភាពអត់ធ្មត់ មានហេតុផល មិនត្រចៀកស ព្រោះអ្នកត្រូវដើរតួជាភរិយា​ ជាម្តាយ កូនប្រសារ ធ្វើការងារក្នុង និងក្រៅផ្ទះ ព្រមទាំងត្រូវកតញ្ញូជាមួយអ្នកមានគុណផង។ ការដើរមួយជំហាន គិតមួយជំហាន​អាចនឹងត្រឹមត្រូវ ឬមិនត្រឹមត្រូវទៅតាមកាលៈទេសៈដែលកូនស្រីត្រូវចេះបត់បែន៕