ក្ដីស្រលាញ់មិនបានធ្វើឲ្យយើងឈឺចាប់ទេ។ ការពិតទៅឥទ្ធិពល ដែលនាំឲ្យយើងឈឺចាប់ដោយសារតែយើងមិនដឹងពីរបៀបស្រលាញ់។ យើងស្មុគស្មាញ អន្ទះអន្ទែង យើងមិនដឹងថាស្រលាញ់បែបណាទើបមិនឈឺចាប់ ព្រោះយើងតែងប្រាថ្នាឲ្យម្នាក់នោះជារបស់យើង មិនមែនរបស់អ្នកផ្សេង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរាល់លើកដែលយើងគិតថាយើងស្រលាញ់គេខ្លាំង យើងតែងព្យាយាមធ្វើឲ្យខ្លួនឯងក្លាយជាមនុស្សតែម្នាក់ដែលអាចនៅក្បែរគេបាន។ ទទួលស្គាល់ថា ការធ្លាក់ក្នុងអន្ទាក់នៃក្ដីស្រលាញ់វានឹងធ្វើឲ្យយើងកាន់តែមានះ។
ប្រហែលជាអ្នកធ្លាប់ឈឺចាប់ដោយសារស្នេហាបោកប្រាស់ ស្នេហាដែលមានតែភាពហួងហែង ឬឃុំគ្រងគ្រប់បែបយ៉ាង។ ប៉ុន្តែវាមិនមានន័យថាអ្នកត្រូវបដិសេធលែងទទួលយកស្នេហាថ្មី ឬក្ដីស្រលាញ់ឡើយ។
ស្នេហាមានទៅមានមក ទើបជាស្នេហាដែលមានរសជាតិ។ យើងច្បាស់ជាមិនអាចស្រលាញ់នរណាម្នាក់ដោយសារតែគេប្រាប់យើងថាគេស្រលាញ់តែម្ខាងទេ។
ការស្រលាញ់ជាការប្រាថ្នាខ្លាំង ហើយការប្រាថ្នាចង់បាននេះវាធ្វើឲ្យយើងខំប្រឹងធ្វើគ្រប់យ៉ាងដើម្បីយកឲ្យបានបើទោះបីមានរនាំង។
ពេលខ្លះការដែលយើងស្រលាញ់នរណាម្នាក់កាន់តែខ្លាំង ធ្វើឲ្យយើងកាន់តែឈឺដូចគ្នា។ ហេតុផលព្រោះថា យើងចង់ធ្វើជាម្ចាស់របស់គេ ហើយរឹតតែមិនចង់ឲ្យគេនិយាយផ្អែមល្ហែមជាមួយអ្នកផ្សេង។ យើងស្ទើរតែចងគេទុកមួយកន្លែងមិនឲ្យប្រទះអ្នកក្រៅ តែទង្វើទាំងនេះមិនបានធ្វើឲ្យគ្រប់យ៉ាងល្អប្រសើរឡើយ។ ផ្ទុយទៅវិញ នៅពេលណាមួយដែលគេកាន់តែមានសម្ពាធ គេនឹងចាកចេញពីអ្នក ហើយអ្នកដែលឈឺខ្លាំងបំផុត ក៏ជាមនុស្សតែមួយដែលស្រលាញ់ខ្លាំងបំផុត៕