ជប៉ុន៖ មកទល់បច្ចុប្បន្ននេះ តារាសម្តែងស្រី Bella Ranee និងតារាសម្តែងប្រុស Weir Sukollawat កាន់តែហ៊ានបើកចំហរពីទំនាក់ទំនងស្នេហារបស់ពួកគេជាសាធារណៈ ដោយលែងលាក់បាំងដូចកាលពីមុនហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មួយរយៈពេលចុងក្រោយនេះ អ្នកទាំងពីរតែងតែបង្ហោះនូវរូបថតគូផ្អែមល្ហែម ក៏ដូចជារូបថតជួបជុំគ្រួសារ និងការលេងកម្សាន្តជាមួយគ្នាយ៉ាងសប្បាយរីករាយផងដែរ។
តួយ៉ាង ក៏ដូចជាកាលពីថ្មីៗនេះ តារាសម្តែងស្រីប្រចាំប៉ុស្តិ៍លេខ៣ថៃ Bella បានបង្ហោះនូវរូបដើរលេងកម្សាន្តនៅលើប្រទេសជប៉ុនជាច្រើនសន្លឹក នៅលើគណនីអ៊ីនស្តារក្រាមផ្ទាល់ខ្លួនរបស់នាងផងដែរ។
យ៉ាងណាមិញ ការដើរកម្សាន្តលើកនេះមិនត្រឹមតែទៅជាមួយមិត្តភក្តិតែប៉ុណ្ណោះនោះទេ ប៉ុន្តែថែមទាំងមានវត្តមានមនុស្សពិសេសគឺលោក Weir ក៏ទៅជាមួយគ្នាផងដែរ។ មិនតែប៉ុណ្ណោះ ពួកគេក៏បានធ្វើកម្មវិធីឆ្លងថ្ងៃខួបកំណើតវ័យ៣១ឆ្នាំ ឲ្យ Bella និងឆ្លងថ្ងៃបុណ្យ Christmas ជាមួយគ្នានៅឯប្រទេសជប៉ុនថែមទៀតផង។
លើសពីនេះទៅទៀតនោះ បើតាមដឹង Bella និង Weir រួមទាំងមិត្តភក្តិរបស់ពួកគេ ថែមទាំងនៅដើរលេងនៅឯទីនោះបន្ត រហូតដល់ឆ្លងឆ្នាំថ្មីឆ្នាំ២០២០ ខាងមុខនេះតែម្តង។ ក្រោយដំណឹងនេះ អ្នកគាំទ្រជាច្រើនត្រេកអរយ៉ាងខ្លាំង ដោយម្នាក់រងចាំមើលរូបថតគូស្វីតៗរបស់ Bella ជាមួយនឹង Weir បន្តទៀតផងដែរ៕