ទឹកចិត្តឪពុក! កាដូបុណ្យណូអែល Floyd ទិញឡាន Mercedes ថ្មីស្រឡាងឲ្យកូនស្រី ខណៈតម្លៃវិញថ្លៃកប់ពពក

បរទេស៖ អ្នកប្រដាល់ល្បីឈ្មោះរបស់សហរដ្ឋអាមេរិក កីឡាករ Floyd Mayeather បានទិញឡានមួយគ្រឿងក្នុងតម្លៃ ១៤០,០០០ផោន ដើម្បីជាកាដូដល់កូនស្រីរបស់ខ្លួនឈ្មោះថា Lyanna សម្រាប់ថ្ងៃបុណ្យណូអែល។

ឡានថ្មីដែលជាកាដូរបស់ Floyd សម្រាប់កូនស្រីវ័យ ១៩ឆ្នាំ ជាមូ៉ដែល Merceds-Benz G63 នេះបើតាមការបង្ហោះនៅលើគណនី Instagram របស់នាង។ Lyanna គឺជាកូនច្បងរបស់ Floyd ក្នុងចំណោមកូនទាំងបួននាក់។

ជាមួយគ្នានេះ អ្នកប្រដាល់មិនដែលចាញ់របស់សហរដ្ឋអាមេរិកក៏មានរថយន្តទំនើបជាច្រើនផងដែរ ដោយនៅក្នុងហ្គារ៉ាស់ផ្ទាល់ខ្លួន ត្រូវបានគេជឿថាមានរថយន្តស៊េរីទំនើប Rolls Royce ៥គ្រឿង ដែលគិតជាទឹកប្រាក់ប្រមាណ២លានផោន។

គួរឲ្យដឹងដែរថា កាលពីខែវិច្ឆិកាកន្លងទៅ អ្នកប្រដាល់ប្រកួត៥០ដងមិនធ្លាប់ចាញ់រូបនេះ បានប្រកាសថាគេនឹងត្រឡប់មកសង្វៀនជាថ្មីនៅក្នុងឆ្នាំ២០២០ខាងមុខ៕

ប្រភព៖ DailyMail