អង់គ្លេស៖ ខ្សែប្រយុទ្ធសញ្ជាតិបារាំងកីឡាករ Olivier Giroud ហាក់បង្ហើបពីគម្រោងក្នុងការចាកចេញរបស់ខ្លួននាខែមករាខាងមុខ ក្រោយរូបគេបានទម្លាយពាក្យក្នុងចិត្តថាពិបាកនៅ Chelsea។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករវ័យ៣៣ឆ្នាំរូបនេះ បានធ្វើបទសំភាសន៍ជាមួយនឹងកាសែត Le Dauphiné Libéré របស់បារាំងថា៖
"វាពិតជាពិបាកក្នុងការស្នាក់នៅ Chelsea។ ខ្ញុំនឹងរកពេលនិយាយជាមួយនឹងគ្រូបង្វឹក។ ហើយវានឹងមានឱកាសច្រើនក្នុងការផ្លាស់ប្ដូររឿងនេះ ព្រោះខ្ញុំមិនបានទទួលពេលវេលាលេងគ្រប់គ្រាន់ក្នុងការបង្ហាញពីសមត្ថភាពខ្ញុំនោះទេ។ សម្រាប់ពេលនេះខ្ញុំជាកីឡាកររបស់ Chelsea ហើយខ្ញុំនៅមាន២-៣ប្រកួតទៀតលេងជាមួយក្លិប ចន្លោះពីឥឡូវរហូតដល់ទីផ្សារដោះដូរបើកទ្វារ។ ហើយបន្ទាប់ពីនេះពួកយើងនឹងអង្គុយចុះ រួចពិភាក្សាស្វែងរកការសម្រេចចិត្តដ៏ល្អបំផុតមួយសម្រាប់ខ្ញុំ។ ចំណែកឯការផ្ទេរទៅកាន់ប្រទេសបារាំង ជាដំណោះស្រាយដែលអាចទៅរួច។"
គួរឲ្យដឹងដែរថា ចាប់តាំងពីការមកដល់របស់អ្នកចាត់ការទូទៅថ្មីលោក Frank Lampard ក្នុងរដូវកាលនេះ Giroud មានឱកាសបង្ហាញខ្លួនបានតែ៧ប្រកួតប៉ុណ្ណោះ ដោយរ៉ូលនៅតំបន់ប្រយុទ្ធ ត្រូវបានជំនួសដោយខ្សែប្រយុទ្ធវ័យក្មេងកំពុងឡើងជើងកីឡាករ Tammy Abraham៕
ប្រភព៖ getfootballnewsfrance
Bong I.T