បុរសម្នាក់ មានដុំក្រួសក្នុងប្លោកនោមជាង១០០ បន្ទាប់ពីមានបញ្ហាពិបាកនោមអស់រយៈពេលជាង១០ឆ្នាំ

ចិន៖ បុរសជនជាតិចិនម្នាក់នាមត្រកូល Liu អាយុ៨៣ឆ្នាំ បានសម្រេចចិត្តទៅកាន់មន្ទីរពេទ្យ បន្ទាប់ពីមានការឈឺចាប់ និងពិបាករាល់ពេលនោមអស់រយៈពេលជាង១០ឆ្នាំកន្លងមកនេះ។

ក្រុមវេជ្ជបណ្ឌិតនៅមន្ទីរពេទ្យ Zhongda Hospital ភ្ញាក់ផ្អើលយ៉ាងខ្លាំង នៅពេលស្កេនឃើញប្លោកនោមរបស់លោក Liu ពោពេញទៅដោយដុំក្រួសជាច្រើន ដែលមានទំហំខុសគ្នាៗ ហើយលោក Liu ក៏ទទួលបានការវះកាត់យកដុំក្រួសចេញដែលមានចំនួនសរុបជាង១០០។

លោកវេជ្ជបណ្ឌិត Sun បានឲ្យដឹងដែរថា លោក Liu មានជំងឺក្រពេញប្រូស្ដាត ហើយលោកមិនដែលយកចិត្តទុកដាក់ក្នុងការព្យាបាលឲ្យបានត្រឹមត្រូវឡើយ។

យ៉ាងណាមិញ វេជ្ជបណ្ឌិតក៏បានដាស់តឿនទៅដល់បុរសចាប់ពីវ័យកណ្ដាលរហូតដល់វ័យចំណាស់ទាំងអស់ មិនត្រូវព្រងើយកន្តើយនឹងរោគសញ្ញាដូចជា ការឈឺចាប់និងពិបាករាល់ពេលនោមឡើយ ចៀសវាងមានបញ្ហាដូចខាងលើនេះ៕

សូមទស្សនារូបភាពខាងក្រោម៖