សិង្ហបុរី៖ ប្រទេសសិង្ហបុរីកំពុងបង្កើតកសិដ្ឋានចិញ្ចឹមមូសរាប់សិបលានក្បាល ប៉ុន្តែវាមិនមែនជាសត្វល្អិតធម្មតាទេ។ ពួកវាជាមូសឈ្មោលដែលត្រូវបានកែហ្សែន ហើយគេបានចាក់បញ្ចូលបាក់តេរីពិសេស បន្ទាប់មកគេដោះលែងវាឱ្យរស់នៅក្នុងបរិស្ថាន។ មូសឈ្មោលទាំងនេះ នឹងទៅបង្កកំណើតជាមួយមូសញី ហើយវានឹងចម្លងបាក់តេរីចូលទៅក្នុងខ្លួនរបស់មូសញី ដើម្បីបញ្ឈប់ការចម្លងរោគជាច្រើនរួមមាន មេរោគហ្សីកា មេរោគជំងឺគ្រុនចាញ់ និងជំងឺគ្រុនឈាម លើសពីនេះទៀត បាក់តេរីនេះក៏ធ្វើឱ្យមូសញីបង្កកំណើតលែងបានទៀតដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរបាយការណ៍មួយបានបង្ហាញថា មូសបានសម្លាប់មនុស្សយ៉ាងច្រើនជារៀងរាល់ថ្ងៃ ច្រើនជាងត្រីឆ្លាមដែលបានសម្លាប់មនុស្សក្នុងមួយសតវត្សរ៍ទៀត។ មនុស្សជាង ១០០ លាននាក់ក្នុងមួយឆ្នាំ បានទទួលរងផលប៉ះពាល់ដោយសារមេរោគគ្រុនឈាមហើយមនុស្សជាង ១ ម៉ឺននាក់បានស្លាប់ដោយសារមូសខាំ។
ដើម្បីទប់ទល់នឹងបញ្ហានេះ ក្រុមអ្នកវិទ្យាសាស្ត្ររួមជាមួយអ្នកស្រាវជ្រាវបានរកឃើញនូវវិធីសាស្ត្រដ៏ប្រសើរមួយនេះ។ ដូច្នេះគោលបំណងសំខាន់នៃកសិដ្ឋានទាំងនេះគឺដើម្បីប្រយុទ្ធប្រឆាំងនឹងមូសអាក្រក់។ មូសដែលត្រូវបានដោះលែងពីកសិដ្ឋានមិនខាំមនុស្សទេ ហើយកសិដ្ឋានចញ្ចឹមមូសនៅសិង្ហបុរីនេះទៀតសោធ ក៏បានបង្កើតមូសរាប់ម៉ឺនក្បាលជារៀងរាល់ថ្ងៃផងដែរ៕