មានអារម្មណ៍ថាមានគេតាមធ្វើបាបគ្រប់ពេល?

អ្នកខ្លះពេលដើរមុខបែរទៅមុខទេ តែភ្នែកសម្លឹងបាញ់ទៅខាងក្រោយជានិច្ច មិនដឹងកើតអី។ គេតែងសង្ស័យគេឯងគ្រប់ពេលវេលា មិនថាពេលដែលមិត្តគាត់និយាយលេងសើចចំអកធម្មតា ឬពេលដែលគេសម្លឹងមើលគាត់ ឬសូម្បីតែពេលគេមិនសម្លឹងមើលគាត់ក៏ដោយ (ប៉ិហ្នឹងមិនមើលមកឯង ដោយសារវាចំអកឯងតែម្តង! ប្រាកដណាស់!)។

គ្រប់ពាក្យដែលគេលឺ គឺគេតែងយកទៅពិនិត្យ វិភាគ ហើយផ្គុំចេញជាពាក្យចំអកជានិច្ចកាល។ អ្នកដែលដើរកាត់ម្នាក់នេះ ទាំងប៉ុន្មានសុទ្ធតែសុំគ្រលំគ្នា ចាំតែធ្វើបាប ធ្វើទុក្ខបុកម្នេញគាត់នោះឯង។

ពាក្យស្លោកដែលគាត់ទន្ទេញជាប់មាត់នោះគេ «ពស់អាសិរពិសនៅគ្រប់ទិសទី គ្រាន់តែយើងមិនទាន់ដឹងថាវាជាពស់ប៉ុណ្ណឹងឯង។»

មនុស្សបែបនេះរស់នៅក្នុងពិភពលោកដែលគាត់ប្រឌិតឡើងដោយខ្លួនឯង គិតថានរណាគេក៏លបចាំឱកាសដើម្បីប្រហារខ្លួនដែរ។ មិត្តភាព ស្នេហា សុវត្ថិភាព សុទ្ធតែជាវត្ថុក្លែងក្លាយ សុទ្ធតែជាពាក្យ គ្មានរូបរាងពិតប្រាកដសម្រាប់គាត់។ ពួកគាត់ការពារខ្លួនដោយសង់កំផែងព័ទ្ធជុំវិញបេះដូងគាត់។ ពិតមែនតែគាត់អាចរារាំងមិនឲ្យមនុស្សអាក្រក់លួចចូលក៏ពិតមែន តែគាត់ក៏បានរារាំងមិនឲ្យមនុស្សល្អចូលបានដូចគ្នាផងដែរ។

គេប្រហែលតាមធ្វើបាបយើងមែនបើយើងនៅតែមានភាពទន់ជ្រាយបែបហ្នឹង។ តែត្រូវមានភាពវិជ្ជមានថា យើងប្រហែលមិនអាចធ្វើឲ្យគ្រប់គ្នាពេញចិត្តយើងបានឡើយ យ៉ាងណាយើងនៅតែរក្សាអំពើល្អ បើកចិត្តឲ្យទូលាយបន្តិច រក្សាស្នាមញញឹម រៀនចែករំលែកក្តីសុខឲ្យខ្លួនឯង​ និងអ្នកជុំវិញខ្លួន ទើបរីកចម្រើន ថ្ងៃណាមួយគេនឹងឃើញពីអំពើល្អរបស់យើង៕

ប្រភព៖ Wapatoa