ភាគច្រើនយើងឃើញអ្នកដែលមានរាងម៉ាប់ៗ ធាត់ៗ ត្អូញត្អែរអំពីរូបរាងកាយរបស់ពួកគេ។ ត្អូញត្អែរព្រោះគេចង់បានរាងស្គមជាងហ្នឹង តែកុំភ្លេចថា ចំពោះអ្នកដែលមានរាងស្គមពេកវិញ ទាំងបុរស និងស្ត្រីក៏មិននៅស្ងៀមដែរ។ គេកំពុងរិះរកវិធីឲ្យធាត់ជាងមុនយ៉ាងសកម្មដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចង់ធាត់ណាស់មែនទេ?
ទាំងនេះជាគំរូអាហារ ដើម្បីបង្កើនទម្ងន់ឲ្យធាត់ជាងមុន៖
* ពេលព្រឹក - កាហ្វេទឹកដោះគោ ឬទឹកដោះគោសូកូឡា១ប្រអប់ - បាយមាន់ ១ចាន (សាច់មាន់សុទ្ធ មិនយកស្បែក) - ទឹកក្រូចច្របាច់១កែវ។
* អាហារក្រៅពេល - ទឹកម្នាស់១កែវ - នំបត់៦ដុំ។ * អាហារថ្ងៃត្រង់ - ឆាមីសួបង្គា ១ចាន កាកាវទឹកកក១កែវ ខ្នុរ៥ខ្លែប។
* អាហារក្រៅពេល - ល្មុត២ផ្លែ កាហ្វេទឹកកក១កែវ។
* អាហារពេលល្ងាច បាយអង្ករសំរូប២វែក សម្លការី ប្រហិតត្រី ខភ្លៅមាន់ តៅហ៊ូ ឪឡឹក៥-៦ចំណិត។
- ពេលមើលទូរទស្សន៍ សណ្ដែកបំពង ប្រភេទភេសជ្ជៈផ្សេងៗកន្លះកែវ។
- មុនចូលគេង ទឹកដោះគោជូ១ប្រអប់ ឬទឹកផ្លែឈើ១កែវ។
ក្រៅពីរឿងអាហារ អ្នកស្គមៗដែលចង់ធាត់ គួរដឹងពីមូលហេតុខ្លះៗផងដែរ៖
១. ទទួលទានអាហារក្រៅពេលបាយពីរលើកថែមទៀតក្នុង១ថ្ងៃដើម្បីឲ្យរាងកាយបានទទួលទានថាមពលកាន់តែច្រើន។
២. ជ្រើសរើសអាហារ ដែលមានថាមពលច្រើន តែត្រូវមានសមាមាត្រសមស្របចៀសវាងអាហារដែលមានខ្លាញ់ ព្រោះវាធ្វើឲ្យឆាប់ឡើងទម្ងន់ ប៉ុន្តែអាចត្រូវប្រឈមមុខនឹងការមានជាតិខ្លាញ់ក្នុងឈាមច្រើន។
៣. ទទួលទានអាហារមានរសជាតិខ្លាំងបន្តិច ពិសេសរសជាតិជូរនឹងជួយឲ្យទទួលទានអាហារបានកាន់ច្រើន ទាំងបាយទាំងម្ហូប ដូចជា អាហារម្ជូរ និងញាំ។
៤. ទទួលទានទឹកផ្លែឈើជំនួសទឹក បន្ទាប់ពីពេលបាយរួចនឹងធ្វើឲ្យអ្នកទទួលថាមពលបន្ថែមរួមទាំងវីតាមីន និងសារធាតុខនិជ ដែលប្រសើរជាងទឹកក្រូចមានហ្គាសឬទឹកស៊ីរ៉ូផ្អែមៗ។
៥. ទទួលទានទឹកដោះគោឆៅ ដែលមានរសជាតិផ្អែមជាអាហារក្រៅពេលនឹងទទួលបានសារធាតុចាំបាច់ច្រើនជាងមុនក្នុងអត្រាសមស្រប ឬអាចជាផ្លែឈើមានរសជាតិផ្អែមដែលអាចផ្ដល់ឲ្យទាំងថាមពលនិងកាកសរសៃអាហារដូចជា ខ្នុរទុំ ឪឡឹក ។
៦. ទទួលទានចំណីដែលមានប្រយោជន៍ក្នុងពេលមើលទូរស្សន៍ដូចជា សណ្ដែកស្ងោរ សណ្ដែកដីស្ងោរ សណ្ដែកបំពង បង្អែមសណ្ដែក សូកូឡាទឹកដោះគោ។
៧. ហាត់ប្រាណខ្លះ ដើម្បីជំរុញចំណង់អាហារដូចជា រត់ហាត់ប្រាណ ១ថ្ងៃ ៣០នាទីជារៀងរាល់ថ្ងៃ។
៨. គួរថ្លឹងទម្ងន់រាងរាល់ព្រឹក ដើម្បីតាមដានលទ្ធផលដោយខ្លួនឯងថាមានការប្រែប្រួលឬទេ? ព្រោះថាបើទទួលទានច្រើនពេក នឹងធ្វើឲ្យមានបញ្ហាក្នុងការរំលាយនឹងធ្វើឲ្យមានអារម្មណ៍មិនសូវស្រួលក្នុងខ្លួន៕
Bong I.T