រហ័សណាស់! កំពុងក្រាបធ្វើពិធីបួងសួងសុខៗ ស្រាប់តែបុរសម្នាក់ស្ទុះទៅលួចយកកាបូបដោយមិនដឹងខ្លួន (មានវីដេអូ)

ម៉ាឡេស៊ី៖ វិហារគឺជាកន្លែងដ៏បរិសុទ្ធសម្រាប់អ្នកកាន់សាសនាឥស្លាមប្រមូលផ្តុំគ្នាធ្វើពិធីបួងសួង និងពិធីផ្សេងៗទៀតដែលទាក់ទងទៅនឹងសាសនា។ ទោះបីជាយ៉ាងណាក៏ដោយ មានបុគ្គលមួយចំនួនតូច បានប្រើប្រាស់ទីកន្លែងនោះធ្វើសកម្មភាពលួច ឬបន្លំយកទ្រព្យសម្បត្តិរបស់អ្នកដទៃជាដើម។

យោងតាមវីដេអូដែលបង្ហោះនៅលើបណ្ដាញសង្គម Twitter បានបង្ហាញឲ្យឃើញថា ខណៈពេលមនុស្សទាំងអស់នៅក្នុងវិហារកំពុងក្រាបធ្វើពិធីបួងសួង ស្រាប់តែបុរសម្នាក់ដែលមានរូបរាងរឹងមាំ ពាក់អាវពណ៌ស បានស្ទុះក្រោកឡើងលួចយកកាបូបចំនួនពីរ ហើយរត់គេចខ្លួនបាត់ទៅ។

ក្រោយពីវីដេអូនេះ ទទួលបានការចែករំលែកពាសពេញបណ្ដាញសង្គមរួចមក មានមហាជនជាច្រើនខឹងសម្បារ និងស្នើសុំឲ្យប៉ូលិសចាត់វិធានការតាមចាប់ខ្លួនបុរសនោះ៕

សូមទស្សនារូបភាពនិងវីដេអូខាងក្រោម៖