តើអ្នកធ្លាប់មានអាការៈឈឺក្បាលនៅពេលដែលក្រោកពីគេងនៅពេលព្រឹកដែរឬទេ? របាយការណ៍សិក្សាមួយបានបង្ហាញថា មនុស្សម្នាក់ក្នុងចំណោម ១៣ នាក់ទទួលរងនូវអាការៈឈឺក្បាលនៅពេលក្រោកពីគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាការៈនេះអាចនឹងបណ្តាលមកពីកត្តាជាច្រើនដូចជា បញ្ហាដំណកដង្ហើមនៅពេលគេង ការគេងមិនគ្រប់គ្រាន់ ការតានតឹងក្នុងអារម្មណ៍ ជម្ងឺបាក់ទឹកចិត្ត និងការព្រួយបារម្ភច្រើនពេកជាដើម។
ខាងក្រោមនេះ គឺជារឿងមួយចំនួនដែលអ្នកត្រូវធ្វើ ដើម្បីដោះស្រាយបញ្ហានេះ។
ពិនិត្យមើលកាយវិការរបស់អ្នកនៅពេលគេង និងមុនពេលគេងឡើងវិញ
កាយវិការរបស់អ្នកនៅពេលគេងអាចនឹងជាដើមហេតុនៃការឈឺក្បាលនៅពេលព្រឹករបស់អ្នក។ ជួនកាល អ្នកឈឺក្បាលនៅពេលក្រោកពីគេង ដោយសារតែខ្នើយរបស់អ្នកមានទំហំធំ ឬតូចពេក។ អ្នកគួរតែទៅរកទិញខ្នើយណាដែលអ្នកយល់ថាគេងស្រួល ដោយមុននឹងទិញ គួរសាកវាជាមុនសិន។ នៅពេលគេង អ្នកក៏គួរសម្រួលកន្លែងគេង ដើម្បីធ្វើឲ្យប្រាកដថាអ្នកនៅគេងនៅចំកណ្តាលគ្រែ។
ម៉្យាងវិញទៀត នៅពេលដែលអ្នកអង្គុយ ឬ ឈរត្រង់ខ្លួន តើស្មារបស់អ្នកមានសភាពឱនចុះ មកខាងក្រោយដែរឬទេ? បើសិនជាអត់ទេ អ្នកត្រូវតែកែប្រែវា។ ប្រព័ន្ធសរសៃប្រសាទរំញោចនៅលើថ្ងាសរបស់អ្នក មានមូលដ្ឋានចេញពីឆ្ងឹងខ្នង ដែលជាហេតុនាំឲ្យការបន្តឹងសាច់ដុំនៅជុំវិញឆ្អឹងខ្នង និងស្មាអាចបណ្តាលឲ្យមានការឈឺចាប់នៅក្នុងក្បាល។
បើសិនជាអ្នកប្រើប្រាស់កុំព្យូទ័រនៅពេលថ្ងៃ អេក្រង់កុំព្យូទ័រត្រូវតែនៅពីភ្នែកបន្តិច ក៏ប៉ុន្តែបើសិនជាបើសិនជាអ្នកត្រូវការងើយចុះឡើងនៅពេលវ៉ៃកុំព្យូទ័រ អេក្រង់កុំព្យូទ័រត្រូវតែទាបជាងភ្នែកបន្តិច។
ព្យាយាមធ្វើឲ្យរាងកាយសម្រាក
អ្នកអាចកាត់បន្ថយអាការៈឈឺក្បាលបានដោយការបន្ធូរសាច់ដុំ។ អ្នកអាចអង្គុយ ឬគេង នៅក្នុងបន្ទប់ងងឹត និងស្ងប់ស្ងាត់ រយៈពេល ២០ នាទី។ អ្នកក៏មិនត្រូវភ្លេចស្អំទឹកកកនៅលើថ្ងាសផងដែរ។ បើសិនជាអាច អ្នកគួរធ្វើបែបនេះរហូតការឈឺចាប់ត្រូវបានបំបាត់។
ពិនិត្យមើលទម្លាប់នៃការទទួលទានអាហារ
ការខកខានមិនទទួលទានអាហារត្រឹមត្រូវក៏អាចបណ្តាលឲ្យឈឺក្បាលផងដែរ។ ដូច្នេះហើយ អ្នកគួរតែទទួលទានអាហារឲ្យបានទៀងទាត់ពេលវេលា។
អ្នកក៏ត្រូវប្រុងប្រយ័ត្នពីចំនីអាហារដែលអ្នកទទួលទានផងដែរ។ អាហារមួយចំនួន ដូចជា ប្រូម៉ាស ស្រាក្រហម សូកូឡាផ្អែម ទឹកផ្លែឈើដែលមានជាតិអាស៊ីត អាចបង្កឲ្យមានអាការៈឈឺក្បាល។ ដោយឡែក បន្លែបៃតង គ្រាប់ធញ្ញជាតិ សូកូឡាល្វីង និង សណ្តែកសៀងដែលមានសារធាតុម៉ាញេស្យូម ក៏ដូចជាពពួកត្រីដែលមានខ្លាញ់ច្រើន អាចជួយសម្រួលទៅដល់សាច់ដុំរាងកាយ និងកាត់បន្ថយអាការៈឈឺក្បាល។
ធ្វើការម៉ាស្សា
ការហាត់ប្រាណ និងពត់ពេនខ្លួនទៀងទាត់អាចជួយកាត់បន្ថយការឈឺក្បាលពេលក្រោកពីគេងបាន។ នៅពេលខ្លះ អ្នកគួរតែឲ្យគេម៉ាស្សាទៅលើ ក ស្មានិងក្បាល។ មិនថាការម៉ាស្សាតាមបែបប្រពៃណី ឬការចាក់ម្ចុលវិទ្យាសាស្រ្ត គឺសុទ្ធតែអាចកាត់បន្ថយភាពតានតឹងនៃរាងកាយ និងសម្រួលចលនាឈាមដែលធ្វើឲ្យយើងមានអារម្មណ៍ស្រួលខ្លួន និងបង្ការអាការៈឈឺក្បាល។
បើសិនជាអ្នកគ្មានពេលនោះទេ គ្រាន់តែការឈ្លីទៅលើសៀតផ្កាក៏អាចជួយកាត់បន្ថយការឈឺចាប់បានដែរ។
ការងូតទឹកក្តៅអ៊ុនៗ
ក្នុងករណីខ្លះ ការងូតទឹកក្តៅអ៊ុនក៏អាចជួយបង្ការ និងបន្ធូរការឈឺក្បាលបានដែរ។ វាកាន់តែប្រសើរទៅទៀតបើសិនជាអ្នកអាចទ្រាំទឹកក្តៅអ៊ុនៗ ដែលមានលាយជាមួយនឹងស្រទាប់ផ្កាកុលាបឬក្រូចឆ្មារ ដែលអាចសម្រួលសរសៃឈាមរត់ទៅខួរក្បាល និងបន្ធូរអាការៈខួរក្បាល៕
ប្រភព៖ The Good Sleep Guide
Bong I.T