អេស្ប៉ាញ៖ បើតាមសេចក្ដីរាយការណ៍បានឲ្យដឹងថា ក្លិបយក្សអេស្ប៉ាញ Real Madrid បានបង្កើនការចាប់អារម្មណ៍ និងចង់បានមកលើខ្សែប្រយុទ្ធវ័យក្មេងរបស់ក្លិប Paris Saint-Germain កីឡាករ Kylian Mbappe។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នាយកផ្នែកកីឡារបស់ក្លិបអ្នកមាននៅបារាំង PSG បានថ្លែងៗជារឿយៗថា Mbappe មិនមែនសម្រាប់លក់នៅទីផ្សារខាងមុខនេះទេ ហើយលោកថែមទាំងពន្លយឲ្យដឹងទៀតថាខ្សែប្រយុទ្ធបារាំងរូបនេះអាចនឹងបន្តកុងត្រាថ្មីជាមួយនឹងក្លិបថែមទៀតផង។
បច្ចុប្បន្នកុងត្រារវាងក្លិបមានមូលដ្ឋាននៅទីក្រុងប៉ារីស និង Mbappe នៅសល់រយៈពេលពីរឆ្នាំកន្លះទៀត ពោលគឺនៅមានសុពលភាពរហូតដល់បំណាច់ឆ្នាំ២០២១ទើបចប់។ បើតាមប្រភពពីក្នុងប្រទេសអេស្ប៉ាញ ក្លិប Real Madrid បានត្រៀមខ្លួនរួចរាល់ក្នុងការរង់ចាំរហូតដល់ឆ្នាំ២០២១ ដែលជឿថាតម្លៃខ្លួនរបស់ Mbappe ក៏អាចនឹងចុះទាបផងដែរ។
គួរឲ្យដឹងដែរថា អ្នកចាត់ការទូទៅរបស់ Real Madrid លោក Zinedine Zidane ធ្លាប់បាននិយាយថាលោកបានបាក់ចិត្តស្រឡាញ់ និងចាប់អារម្មណ៍ចង់នាំយក Kylian Mbappe មកលេងនៅកីឡដ្ឋាន Santiago Bernabeu អស់ពេលជាយូរណាស់មកហើយ៕
ប្រភព៖ SportsMole