ឆ្លាតមែន! ក្មេងប្រុសជនជាតិជប៉ុនម្នាក់ រៀនត្រឹមថ្នាក់ទី ៤ តែមានសមត្ថភាពអាចប្រឡងគណិតវិទ្យាកម្រិតសាកលវិទ្យាល័យ (មានវីដេអូ)

ជប៉ុន៖ ក្មេងប្រុសវ័យក្មេងដែលមានអាយុទើបតែ ៩ ឆ្នាំ ហើយរៀនត្រឹមថ្នាក់ទី ៤ទៀត បានធ្វើឲ្យមហាជនមានការកោតសរសើនឹងសមត្ថភាពដ៏អស្ចារ្យរបស់គេ ដែលអាចប្រឡងគណិតវិទ្យាកម្រិតមនុស្សធំបាន។ ក្មេងប្រុសខាងលើមានឈ្មោះថា Shogo Ando ដែលរស់នៅតំបន់ Nishinomiya នៃខេត្ត Hyogo បានប្រលងលើមុខវិទ្យាគណិតវិទ្យា ដែលរៀបចំដោយវិទ្យាស្ថានមួយរបស់ប្រទេសជប៉ុន។ Ando បានបំបែកឯតទគ្គកម្មរបស់ Hiroto Takahashi ដែលបានប្រឡងជាប់គណិតកាលពីឆ្នាំមុន នៅអាយុទើប ១១ ឆ្នាំប៉ុណ្ណោះ។

តាមការឲ្យដឹងពីវិទ្យាស្ថានខាងលើថា Ando បានចាប់ផ្តើមសិក្សានៅវិទ្យាស្ថាន Suken តាំងតែពីគាត់មានអាយុប្រហែល ៧ ឆ្នាំមកម្ល៉េះ។ មួយវិញទៀតបើយោងទៅតាមសម្ដីក្មេងប្រុស និងជាមូលហេតុដែលធ្វើឲ្យគាត់មករៀននៅទីនេះ បានលើកឡើងថា “ខ្ញុំចង់ប្រើចំណេះដឹងគណិតវិទ្យារបស់ខ្ញុំ និងចូលរួមជាវិភាគទានដល់សង្គមតាមរយៈការស្រាវជ្រាវដូចជាការបញ្ឈប់ការកើនឡើងកំដៅផែនដី” ។

គួរឲ្យដឹងផងដែរថា ការធ្វើតេស្តនេះ​​​​​​​​​​​​​​​​​​​​​​​​មាននៅ ១៤ កម្រិតរាប់ចាប់ពីកម្រិតមត្តេយ្យដល់កម្រិតមហាវិទ្យាល័យ និងមានមុខវិទ្យាដូចជា “ការគ​​​​​​​​​​​​​​​​​​​​​​​​​​​​​​​​​​​ណនាសំណង់កន្សោម ការវាស់វែង ការវាស់ស្ទង់ស្ថិតិ និងភ័ស្តុតាង”  ហើយមានមនុស្សជាង ៣៥០,០០០ នាក់ធ្វើតេស្តជារៀងរាល់ឆ្នាំ នេះបើយោងតាមគេហទំព័ររបស់វិទ្យាស្ថាន។

សូមទស្សនាវីដេអូខាងក្រោម៖