ស្នេហាធ្វើឲ្យអារម្មណ៍ស្រស់ស្រាយ ផ្អែមល្ហែម និងអស្ចារ្យ ប៉ុន្តែពេលខ្លះការស្រលាញ់នរណាម្នាក់ខ្លាំងពេក អាចបង្កអន្តរាយដល់ទំនាក់ទំនងរវាងមនុស្សពីរនាក់។ នៅពេលដែលអ្នកនៅក្បែរនរណាម្នាក់ដែលមិនផ្តល់សូម្បីពេលវេលាផ្ទាល់ខ្លួនបន្តិចសោះនោះ វាអាចមានជាតិពុលដ៏សាហាវទៅវិញទេ។ ហេតុអ្វីបានជាការស្រលាញ់ខ្លាំងពេកពិតជាមានគ្រោះថ្នាក់?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទាំងនេះជាចំណុច៥យ៉ាងដែលអ្នកគួរប្រយ័ត្នបើមិនចង់ឲ្យស្នេហ៍ប្រេះឆា៖
១. គ្រប់គ្នាចូលចិត្តសេរីភាព
ជាពិសេសមនុស្សប្រុស គ្មាននរណាម្នាក់ចូលចិត្តការរឹតត្បិតទេ។ នៅពេលអ្នកឈានចូលប្រឡូកក្នុងទំនាក់ទំនងស្នេហា អ្នកក៏ចាប់ផ្តើមចង់ដឹងចង់ឮពីសកម្មភាពរបស់បុគ្គលនោះ ដែលពេលខ្លះហ៊ានរិះរកគ្រប់វិធីដើម្បីបានដឹងរឿងផ្ទាល់ខ្លួនរបស់គេ។ ប៉ុន្តែចូរចាំថាទំនាក់ទំនងដែលប្រើទ្រុងហួសហេតុបែបនេះបង្កឲ្យម្នាក់ៗមានសម្ពាធយ៉ាងខ្លាំងទៅវិញទេ ព្រោះគ្រប់គ្នាចូលចិត្តរក្សាចន្លោះ (space) និងសេរីភាពផ្ទាល់ខ្លួន។
២. ប៉ះពាល់ដល់ការរីកចម្រើនផ្ទាល់ខ្លួន
ជីវិតត្រូវការ ការរីកចម្រើន និងការផ្លាស់ប្តូរពីស្ថានការមួយទៅមួយអាស្រ័យនឹងពេលវេលា។ ការលូតលាស់របស់បុគ្គលម្នាក់ៗមានសារៈសំខាន់ណាស់សម្រាប់សុខភាពផ្លូវចិត្ត និងជីវិតការងាររបស់ពួកគេ។ ប្រសិនបើទំនាក់ទំនងដែលអ្នកកំពុងមាន ជាអារម្មណ៍នៃក្តីស្រលាញ់តែម្ខាងខ្លាំងលើសពេក វានឹងធ្វើឲ្យអ្នកមានភាពស្មុគស្មាញព្រោះគ្មានអ្នកយល់ចិត្ត មានតែអ្នកបន្ថែមបញ្ហា។
៣. ទំនាក់ទំនងកាន់តែសាបរលាបពេលវេលាដែលធ្លាប់ធ្វើឲ្យដៃគូរមានភាពរំភើប ប្រែជាធ្វើឲ្យធុញទ្រាន់ព្រោះម្ខាងទៀតស្រលាញ់ពេកហើយចេះតែរករឿងចាប់កំហុស ដែលធ្វើឲ្យម្ខាងៗលែងទុកចិត្តគ្នា។ ដូច្នេះនៅពេលដែលអ្នកមានទំនាក់ទំនងជាមួយដៃគូរបស់អ្នក គួរទុកពេលឲ្យគាត់បានសម្រាក និងនឹករឮកអ្នកខ្លះទៅ បើមិនដូច្នេះទេ ទំនាក់ទំនងរបស់អ្នកនឹងប្រែទៅជាស៊ាំគ្មានភាពផ្អែមល្ហែមទៀតឡើយ។
៤. បង្កជម្លោះកាន់តែច្រើន
វាចាំបាច់ណាស់ក្នុងការស្រលាញ់ តែសេចក្តីស្រលាញ់ដែលអ្នកមានចំពោះដៃគូរបស់អ្នកតែម្ខាងលើសពេកអាចបង្កឲ្យមានជម្លោះជាញឹកញាប់ ទាំងដែលត្រឹមជារឿងតូចតាចសោះ។ នៅពេលអ្នកនៅជាមួយគ្នាគ្រប់ពេលវាអាចបង្កឱ្យមានការឈ្លោះប្រកែកគ្នា បើក្នុងករណីម្ខាងទៀតចង់ដកឃ្លាខ្លះ។ វាអាចជាការ ប្រច័ណ្ឌ រឺចោទប្រកាន់មិនសមស្រប។ ដូច្នេះនៅពេលដែលអ្នកចេះទុកពេលវេលាផ្ទាល់ខ្លួនឲ្យគ្នាទៅវិញទៅមកនោះ ម្តងៗរាល់ពេលដែលអ្នកនៅក្បែរគ្នាជាមួយដៃគូ អ្នកពិតជាគួរអោយស្រឡាញ់ណាស់។
៥. គ្មានផលវិជ្ជមានដល់ខ្លួនឯង
បើរវល់តែយកពេលមានប្រយោជន៍ទៅតាមដានគេ ម្ខាងទៀតគ្មានពេលវេលាពេញដៃជើងមកគិតអីល្អៗឡើយ ព្រោះរវល់តែបារម្ភថាខ្លាចគេក្បត់ ខ្លាចគេមានអ្នកថ្មី ខ្លាចបែបនេះ រឺបែបនោះ កាន់តែធ្វើឲ្យគេធុញទៅវិញទេ។ ចឹងគួរយកពេលវេលាមកអភិវឌ្ឍន៍ខ្លួនឯងទាំងចំណេះដឹង និងជំនាញ ហើយធ្វើជាមនុស្សដែលចរិតរមទមវិញល្អជាង។ គ្មានដៃគូរណាដាច់ចិត្តចាកចេញពីមនុស្សដែលល្អគ្រប់យ៉ាងដូចអ្នកឡើយ៕
ប្រភព៖ Lifealth
ប្រែសម្រួល៖ ប៉ា សុខេង