រៀបការហើយភ្លាម កែវ សីហា និងស្វាមីសង្ហា ដឹកដៃគ្នា ទៅក្រេបទឹកឃ្មុំ លើកោះយ៉ាងរ៉ូមែនទិក

ព្រះសីហនុ៖ បន្ទាប់ពី តារាសម្ដែងស្រី និងពិធីការិនី អ្នកនាង កែវ សីហា បានរៀបការជាមួយស្វាមីសង្ហារ យ៉ាងអធិកអធមក្រោមវត្តមាន តារាល្បីៗជាច្រើនរួចមក រូបនាង បានធ្វើឲ្យហ្វេនៗតាមដានពីជីវិតគូនាងគ្រប់គ្នា។

ទន្ទឹមនឹងនេះដែរ ទស្សនិកជនជាច្រើន បានចង់ដឹងថា គូស្វាមីភរិយាថ្មីថ្មោងមួយគូនេះ នឹងដឹកដៃគ្នាទៅកសាងអនុស្សាវរីយ៍នៅទីណាវិញ។ មិនយូរប៉ុន្មាន នាថ្ងៃនេះដែរ កែវ សីហា​ និងស្វាមី កំពុងមានដំណើរកម្សាន្តលើកោះមួយ ក្នុងខេត្តព្រះសីហនុ យ៉ាងផ្អែមល្ហែម។

ជាមួយគ្នានេះដែរ កែវ សីហា បានស្លៀកសម្លៀកបំពាក់លក្ខណៈជាគូស្នេហ៍​ អមដោយកាយវិការកៀកកើយស្និទ្ធស្នាលជាមួយនឹង បរិយាកាសលើឆ្នេរសមុទ្រស្រស់ថ្លា មើលទៅពិតជារ៉ូមែនទិកណាស់។

ដោយឡែក គ្រាន់តែឃើញរូបថតទាំងនោះភ្លាម  ធ្វើឲ្យអ្នកគាំទ្រទាំងអស់ រំភើបជាមួយស្នេហាដ៏ស្វីតរវាងគូស្វាមី ភរិយាថ្មីថ្មោងរូបនេះ និងប្រាថ្នាចង់មានដំណើរកម្សាន្ត ដ៏រ៉ូមែនទិកបែបនេះទៀតផង៕