រូបរាងកាយខាងក្រៅ និងសម្រស់របស់មនុស្សស្រីម្នាក់ៗមានភាពលំអៀងដោយមិនអាចប្រកែកបាន ពោលគឺមិនដូចគ្នាព្រោះថានារីខ្លះមានមុខមាត់ទាក់ទាញ អ្នកខ្លះមានរាងស្លីមគួរឲ្យស្រលាញ់ ខ្លះមានអត្តចរិតគួរឲ្យខ្នាញ់ និងខ្លះទៀតតែងជួយទុក្ខធុរៈអ្នកជុំវិញខ្លួនជាដើម។

ជាការកត់សម្គាល់មនុស្សស្រីដែលមានមុខមាត់ទាក់ទាញហាក់មានការចោមរោមច្រើនពីសំណាក់អ្នកដទៃ ប៉ុន្តែការសិក្សាដោយស្ទង់មតិមួយរបស់សាកលវិទ្យាល័យTexasទៅលើនិស្សិតចំនួន៣០០នាក់បានបង្ហាញថា នារីដែលមានមុខមាត់គួរឱ្យទាក់ទាញមិនសូវចេះជួយយកអាសារអ្នកដទៃឡើយ។ មូលហេតុត្រង់ថា សម្រស់ខាងក្រៅដែលមានអ្នកជុំវិញខ្លួនចោមរោមនោះ បានធ្វើឲ្យម្ចាស់ខ្លួនកាន់តែមានមោទកភាពខ្លាំងជាងមុន ហើយមិនសូវជាខ្វល់ចំពោះមនុស្សដែលមានសម្រស់ទាក់ទាញតិចជាងខ្លួនផងដែរ។

ចំណែកនារីដែលមានភាពទាក់ទាញមធ្យម ទទួលបានចំណាត់ថ្នាក់ប្រហាក់ប្រហែលនឹងនារីដែលមានភាពទាក់ទាញខ្ពស់ លើកលែងតែការផ្តល់ទំនុកចិត្តប៉ុណ្ណោះដែលពិបាកក្នុងការវិនិច្ឆ័យ ក៏ប៉ុន្តែការយកចិត្តទុកដាក់ពីសំណាក់អ្នកជុំវិញខ្លួននៅមានកម្រិត។

លោកស្រី Schein ដែលជាអ្នកជំនាញផ្នែកចិត្តវិទ្យា បានលើកឡើងថា «យើងមិនអាចប្រកែកបាននូវការយល់ឃើញរបស់មនុស្សម្នាក់ៗ។ យើងក៏ទទួលស្គាល់ពីបញ្ហាទាំងនោះ តែយើងមិនត្រូវបន្តឲ្យមានសកម្មភាពអវិជ្ជមាន និងការរើសអើងលើនារីដែលដែលមានមុខមាត់ស្រស់ស្អាតតិចជាងយើងឡើយ។ មនុស្សស្រីទាំងអស់សុទ្ធតែស្រស់ស្អាតដោយឡែកពីគ្នា។ មុខមាត់គ្រាន់ជាផ្នែកមួយ ឥរិយាបថ ទង្វើ ជំនួយ និងការទុកចិត្តចំពោះអ្នកជុំវិញខ្លួនជាភាពស្រស់ស្អាតដែលគួរយកចិត្តទុកដាក់»។

យ៉ាងណា វាគ្រាន់តែជាការសិក្សាមួយប៉ុណ្ណោះ​ ដែលប្រហែលជានារីមានមុខមាត់ទាក់ទាញជាច្រើនដែលមានចិត្តទូលាយចេះជួយយកអាសារអ្នកដទៃ៕

ប្រភព៖ ScienceNewsForStudents

ប្រែសម្រួល៖ ប៉ា សុខេង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]