អ្នក​មាន​ជំងឺ​ទឹកនោមផ្អែម ប្រសិន​បើ​មាន​របួស​ពិតជា​ពិបាកព្យាបាល​ហើយ​ដោយ តែ​អ្នក​មាន​​ជាតិ​ស្ករ​មិន​សូវ​ខ្ពស់អាច​ព្យាបាល​ជា រីឯ​អ្នក​កម្រិតស្ករខ្ពស់ ​អាច​ព្យាបាលមិន​ជា​។ ជាពិសេស​ត្រូវ​យកចិត្ត​ទុក​ដាក់​ជាមួយ​ជើង ដូចនេះ​ហើយ​លោក​វេជ្ជបណ្ឌិត វី ឌុច្ជដា ឯកទេស​ជំងឺ​ទឹកនោមផ្អែម​ដែល​កំពុង​សិក្សា​បន្ត​នៅ​ប្រទេស​បារាំង​នឹង​ណែនាំ​វិធី​ការពារ​ខ្លួន​ងាយ​ៗ។

១. គួរ​លាង​សម្អាត​ជើង​ជាមួយ​សាប៊ូ​រាល់ថ្ងៃ ហើយ​បន្ទាប់​ពី​លាង​រួច​ត្រូវ​ជូត​សម្អាត​ជើង​ឲ្យ​ស្ងួត ជាពិសេស​តាម​ចន្លោះ​ម្រាម។

២. ត្រូវ​តាមដាន​ជើង​ជាប្រចាំ ប្រសិនបើ​ឃើញ​មាន​លេច​ឡើង​ស្នាម​កន្ទួល ស្នាម​មុត ជាំ ហើម ឬ​ជាំ​ត្រូវ​ប្រញាប់​ទៅ​ជួប​គ្រូពេទ្យ​ភ្លាម។

៣. ថែទាំ​ក្រចក​តាម​គ្រូពេទ្យ​ជំនាញ​ប្រាប់ ចៀសវាង​កាត់​ក្រចក​តាម​ចិត្ត​ឯង ព្រោះ​អាច​ដាច់ ឬ​មុត​ជាមួយ​កន្ត្រៃ។

៤. ត្រូវ​ពាក់​ស្បែក​ជើង​ឲ្យ​ជិត​ជើង ហើយ​ត្រូវ​ពាក់​ស្រោម​ជើង​ជា​មុន​សិន ដោយ​សភាព​ស្រោម​ទន់ ល្មម មិន​តឹង មិន​រលុង​ពេក។ មុន​ពេល​ពាក់​ស្បែក និង​ស្រោម​ជើង​ត្រូវ​ពិនិត្យ​រក​មើល​ដុំ ឬ​វត្ថុ​អ្វី​ដែល​ជាប់​ ហើយ​បើ​មាន​ត្រូវ​យក​ចេញ ចៀសវាង​ពាក់​ទៅ​ធ្វើ​ឲ្យ​របួស។

៥. កុំ​ដើរ​ដោយ​ជើង​ទទេ ព្រោះ​អាច​បណ្ដាល​ឲ្យ​មុត​។

៦. សម្រាប់អ្នក​​ត្រូវ​ធ្វើ​អាហារ ត្រូវ​ប្រុង​ប្រយ័ត្ន ព្រោះ​អាច​មុត​ដៃ​ដោយ​កាំបិត ឆ្អឹង និង​បន្លា​របស់​បន្លែ។

៧. ប្រសិនបើ​ត្រូវ​រៀបចំ​ទុក​ដាក់​សម្ភារៈ ត្រូវ​រក​ស្រោម​ដៃ​មក​ពាក់ ចៀសវាង​កុំ​ឲ្យ​មុត។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សម្រស់ & សុខភាព និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ