ធ្ងន់ណាស់លោកព្រះ! កីឡាករថៃ វាយកម្ពុជា ឡើងវង្វេងស្មារតីត្រឹមទឹកទី២ នៅសង្វៀន Super Champ (មានវីដេអូ)

បាងកក៖ ការប្រកួតប្រដាល់សេរី ក្នុងកម្មវិធី Muay Thai Super Champ របស់ស្ថានីយ៍ទូរទស្សន៍ប៉ុស្ដិ៍លេខ៨ថៃ នៅប្រទេសថៃ កាលពីថ្ងៃអាទិត្យម្សិលមិញ កីឡាករកម្ពុជា​ សុខ ជាតិ (មាស សុជាតិ) បានប្រកួតចាញ់កីឡាករម្ចាស់ផ្ទះថៃ NUEAMEK PONGSEVENFARM ដោយសន្លប់នៅក្នុងទឹកទី២។

ការប្រកួតធ្វើឡើងនៅក្នុងប្រភេទទម្ងន់៦៨គីឡូក្រាម និងមានតែ៣ទឹកប៉ុណ្ណោះ។ ការប្រកួតចាប់ផ្ដើមនៅក្នុងទឹកទី១ កីឡាករទាំងពីរបានសម្រុកគ្នាដោយការចេញជើងទាត់ដាក់គ្នាទៅវិញទៅមកខ្លាំងៗ។ យ៉ាងណាមិញ ចូលដល់ទឹកទី២ កីឡាករថៃ បានប្រើកណ្ដាប់ដៃយ៉ាងលឿន និងធ្ងន់ៗវាយចូលពេញៗ រហូតធ្វើឲ្យ មាស សុជាតិ ដួលនិងត្រូវលោកអាជ្ញាកណ្ដាលបញ្ឈប់ការប្រកួតតែម្ដង ក្រោយរាប់ដល់៧៕

ចង់ឃើញថា ដៃរបស់កីឡាករថៃ លឿន និងធ្ងន់យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖