ហ្វីលីពីន៖ មុននេះបន្តិច កីឡាករកម្ពុជា ឡៅ ចិត្រា បានប្រកួតចាញ់កីឡាករថៃ ណូរ៉ាផាត់ ឃុនដាំ ដោយពិន្ទុ ក្នុងការប្រកួតវគ្គពាក់កណ្ដាលផ្ដាច់ព្រ័ត្រវិញ្ញាសាប្រដាល់គុនខ្មែរ ប្រភេទទម្ងន់ ៦៣.៥គីឡូក្រាម ក្នុងព្រឹត្តិការណ៍កីឡាស៊ីហ្គេមលើកទី៣០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឆ្លងកាត់រយៈពេល៣ទឹក កីឡាករថៃ ណូរ៉ាផាត់ ឃុនដាំ បានយកឈ្នះដោយពិន្ទុឯកច័្ឆន ៣០-២៧ ដែលបានធ្វើឲ្យ ឡៅ ចិត្រា បាត់បង់ឱកាសឡើងទៅដណ្ដើមមេដាយមាស។
គួរបញ្ជាក់ផងដែរថា សម្រាប់វិញ្ញាសាគុនខ្មែរនៅស៊ីហ្គេមឆ្នាំនេះ កម្ពុជាបានបញ្ជូនកីឡាករ និងកីឡាការិនីទៅចូលរួមចំនួន៥រូប រួមមានកីឡាករ ឡៅ ចិត្រា, ហ៊ីម គីមរៀង, វ៉ាន់ វឿន, តាញ់ មករា និងកីឡាការិនី អ៊ុំ ថារ័ត្ន ដោយគិតមកត្រឹមពេលនេះ កម្ពុជា ទទួលបាន មេដាយសំរឹទ្ធចំនួន២ សម្រាប់វិញ្ញាសានេះ ខណៈកីឡាករ វ៉ាន់ វឿន បន្តប៉ះកីឡាករហ្វីលីពីន វគ្គពាក់កណ្ដាលផ្ដាច់ព្រ័ត្រ៕
សូមទស្សនាវីដេអូនៃការប្រកួត ខាងក្រោមនេះ៖