បារាំង៖ ក្លិបបិសាចក្រហម Manchester United ត្រូវបានគេរាយការណ៍ថាបានដាក់ការចាប់អារម្មណ៍ទៅលើខ្សែបម្រើវ័យ២៥ឆ្នាំមួយរូបរបស់ក្លិប Paris Saint-Germain គឺកីឡាករ Leandro Paredes។
ខ្សែបម្រើសញ្ជាតិអាហ្សង់ទីនរូបនេះ បង្ហាញខ្លួនឲ្យក្រុម PSG បានចំនួន៣២ប្រកួត ចាប់តាំងពីផ្ទេរមកពីក្រុម Zenit កាលពីដើមឆ្នាំ២០១៨មក។ ដោយឡែកក្នុងរដូវកាលនេះ កីឡាករ Paredes មិនសូវមានឱកាសបានចូលលេងទៀងទាត់នោះទេ ក្រោមការដឹកនាំរបស់លោក Thomas Tuchel ដោយលេងបាន១០ប្រកួតប៉ុណ្ណោះ គិតរាល់កម្មវិធីទាំងអស់។
យោងតាមកាសែត El Intransigente របស់ប្រទេសអាហ្សង់ទីនបានឲ្យដឹងថា ក្លិបបិសាចក្រហម Manchester United មានចំណាប់អារម្មណ៍ក្នុងការចុះកុងត្រាយកខ្សែបម្រើរូបនេះ ដោយគេហទំព័រ Transfermarkt បានបញ្ជាក់ថាតម្លៃខ្លួនរបស់រូបគេបច្ចុប្បន្នមានតម្លៃប្រមាណ២៥លានអឺរ៉ូ (ឬប្រហែល ២៧,៧លានដុល្លារអាមេរិក)។
គួរបញ្ជាក់ផងដែរថា ក្លិប Man Utd នឹងត្រូវប្រឈមជាមួយនឹងក្លិបធំៗពីរនៅអ៊ីតាលី ក្នុងការប្រជែងយកខ្សែបម្រើសញ្ជាតិអាហ្សង់ទីន ដោយប្រភពដដែលបានបញ្ជាក់ថាក្លិប Inter Milan និង Napoli ក៏មានចំណាប់អារម្មណ៍ក្នុងការចុះកុងត្រាយកកីឡាកររូបនេះ នៅខែមករាខាងមុខផងដែរ៕
ប្រភព៖ caughtoffside
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
