ហ្វីលីពីន៖ កាលពីថ្ងៃច័ន្ទកន្លងទៅ ក្រោយប្រកួតចាញ់ មីយ៉ាន់ម៉ា ក្នុងលទ្ធផល ២ទល់នឹង១ នៅក្នុងការប្រកួតវគ្គជម្រុះពូល A ព្រឹត្តិការណ៍កីឡាស៊ីហ្គេមលើកទី៣០ វិញ្ញាសាបាល់ទាត់បុរស គ្រូបង្វឹកក្រុមជម្រើសជាតិកម្ពុជាលោក Felix G. Dalmas បានថ្លែងនៅក្នុងសន្និសីទកាសែតថាលោកសង្ឃឹមថានឹងអាចជួបមីយ៉ាន់ម៉ាម្ដងទៀតនៅក្នុងវគ្គផ្ដាច់ព្រ័ត្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ មកទល់ពេលនេះក្ដីសង្ឃឹមរបស់បុរសសញ្ជាតិអាហ្សង់ទីនបានកំពុងតែដំណើរការទៅមុខហើយ ក្រោយកម្ពុជាបានកក់កៅអីទៅលេងវគ្គពាក់កណ្ដាលផ្ដាច់ព្រ័ត្រជាលើកដំបូងក្នុងប្រវត្តិសាស្រ្ត។ លក្ខខណ្ឌតែមួយគត់ដែលកម្ពុជា អាចជួបមីយ៉ាន់ម៉ានៅវគ្គផ្ដាច់ព្រ័ត្រ គឺក្រុមទាំងពីរត្រូវការឈ្នះការប្រកួតនៅក្នុងវគ្គពាក់កណ្ដាលផ្ដាច់ព្រ័ត្រដូចគ្នា ទើបអាចបន្តទៅជួបគ្នានៅវគ្គផ្ដាច់ព្រ័ត្រ។
គួរឲ្យដឹងដែរថា នៅវគ្គពាក់កណ្ដាលផ្ដាច់ព្រ័ត្រ ក្រុមយុវជនគោព្រៃកម្ពុជាអាយុក្រោម២២ឆ្នាំ នឹងត្រូវជួបជាមួយវៀតណាម ខណៈមីយ៉ាន់ម៉ា ត្រូវប៉ះជាមួយឥណ្ឌូនេស៊ី។
ការប្រកួតរវាងវៀតណាម និងកម្ពុជា នឹងធ្វើឡើងនៅថ្ងៃស្អែក ចាប់ពីម៉ោង ៧យប់តទៅ នៅកីឡដ្ឋាន Rizal Memorial Coliseum៕