កូនក្រៅស្បូន គឺជាការតាំងទី និងការលូតលាស់របស់គភ៌នៅកន្លែងផ្សេងក្រៅពីស្បូន ដូចជា នៅដៃស្បូន កន្សោមកូន ប្រហោងពោះ មាត់ស្បូន តំណរវាងតួស្បូន និងដៃស្បូន។ ក្រៅពីការពិនិត្យអេកូ យើងអាចដឹងថា មានកូនក្រៅស្បូនតាមរយៈរោគសញ្ញាមួយចំនួននៅក្នុងអំឡុងត្រីមាសដំបូងនៃការពពោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. សញ្ញាកូនក្រៅស្បូន
ភាគច្រើនកូនក្រៅស្បូន កើតឡើងនៅក្នុងដៃស្បូន នៅពេលគភ៌បង្កកំណើតនៅប៉ុន្មានសប្តាហ៍ដំបូង ដោយមានរោគសញ្ញាសម្គាល់ជាច្រើន។
– ឈឺចាប់នៅអាងត្រគាក
– ចុកពោះ
– ស្លេកស្លាំង
– អស់កម្លាំង
– វិលមុខ
– ធ្លាក់ឈាមតាមទ្វារមាសតិច ឬច្រើន។
២. មូលហេតុជំរុញឲ្យមានកូនក្រៅស្បូន
បើតាមការបកស្រាយនៅលើផេកផ្លូវការរបស់មន្ទីរពេទ្យកាល់ម៉ែត មានមូលហេតុជាច្រើនធ្វើឲ្យស្ត្រីប្រឈមនឹងការមានកូនក្រៅស្បូន។
– ធ្លាក់សរ៉ាំរ៉ៃ
– មានជំងឺរលាកដៃស្បូន
– មានជំងឺកាមរោគ
– ធ្លាប់វះកាត់ដៃស្បូន
– មានដុំដៃស្បូន
– ជក់បារីច្រើន
– មានដៃគូរួមភេទច្រើន។
៣. កូនក្រៅស្បូនគ្រោះថ្នាក់ម៉េចខ្លះ?
កូនក្រៅស្បូនមិនត្រឹមតែបង្កឲ្យមានការឈឺចាប់នោះទេ ថែមទាំងគ្រោះថ្នាក់ដល់ជីវិតទៀតប្រសិនមានការបែកធ្លាយ និងហូរឈាមច្រើន ហើយទៅពេទ្យមិនទាន់ពេល។ ចំពោះការព្យាបាលវិញ អាស្រ័យទៅលើអាយុគភ៌ បើកូននៅតូច ហើយម៉ាក់ៗមកពេទ្យទាន់ពេល គ្រូពេទ្យអាចប្រើថ្នាំ ចំពោះវិធីវះកាត់មាន២របៀប គឺការវះកាត់ដោយប្រើឧបករណ៍ចោះ និងការវះកាត់ដោយបើកពោះ នេះចំពោះម្តាយមានអាការៈធ្ងន់ធ្ងរ ហើយមកពេទ្យយឺតយ៉ាវ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T