បរទេស៖ កម្មវិធី Google Photos គឺជាកម្មវិធីមួយដ៏ល្អបំផុតសម្រាប់រក្សាទុករូបភាពនិងវីដេអូរបស់យើងនៅលើអ៊ីនធឺណេត ហើយកម្មវិធីមួយនេះតែងតែនាំយកមុខងារថ្មីៗដែលផ្ដល់ផលប្រយោជន៍ជាច្រើនដល់អ្នកប្រើប្រាស់ដូចជាអាចរក្សាទុករូបភាពមួយអាល់ប៊ុមក្នុងពេលតែមួយនៅលើអ៊ីនធឺណេត។ កាលពីពេលថ្មីៗនេះកម្មវិធីមួយនេះទទួលបានមុខងារថ្មីមួយទៀតដែលអាចឲ្យយើងធ្វើការផ្ញើរូបភាពនិងសារទៅកាន់មនុស្សដទៃទៀតនៅក្នុងកម្មវិធីដោយផ្ទាល់ មានន័យថាយើងអាចផ្ញើសារឆ្លើយឆ្លងគ្នាដោយមិនចាំបាច់ចេញពីកម្មវិធីនេះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមុខងារថ្មីនេះគឺងាយស្រួលប្រើណាស់ ដោយគ្រាន់តែយើងជ្រើសរើសរូបភាពហើយចុចសញ្ញា Share បន្ទាប់មករើសយក Send in Google Photos ហើយវានឹងឲ្យយើងរើសយកមនុស្សដែលយើងចង់ផ្ញើទៅតាមរយៈឈ្មោះ លេខទូរសព្ទ ឬក៏អ៊ីម៉ែលជាដើម។ នៅពេលយើងចុចលើមនុស្សដែលយើងចង់ផ្ញើរូបភាពទៅឲ្យ វានឹងអនុញ្ញាតឲ្យយើងធ្វើការសន្ទនាគ្នានៅលើកម្មវិធីតែម្ដង។
មិនតែប៉ុណ្ណោះយើងអាចមើលវីដេអូនិងរូបភាពដែលយើងបានផ្ញើរវាងគ្នានឹងគ្នាដូចជា Comments និង Likes ជាដើម។ មុខងារផ្ញើសារដោយផ្ទាល់នៅលើកម្មវិធី Google Photos ទើបតែប្រកាសកាលពីម្សិលមិញ ហើយប្រហែលជាសប្ដាហ៍ក្រោយមុខងារមួយនេះអាចនឹងទៅដល់អ្នកប្រើប្រាស់ទាំងអស់គ្នាទាំងប្រព័ន្ធប្រតិបត្តិការ Android, iOS និង Web ផងដែរ៕