នារីវ័យ២២ឆ្នាំម្នាក់ មានជំងឺក្រលៀនរ៉ាំរ៉ៃ យំអង្វរឪពុកឲ្យឈប់ព្យាបាលនាង ដើម្បីទុកប្រាក់ព្យាបាលប្អូនប្រុស លុះឪពុកតបទៅវិញ ទប់ទឹកភ្នែកមិនជាប់ (មានវីដេអូ)

ចិន៖ នារីវ័យ២២ឆ្នាំម្នាក់មានជំងឺក្រលៀនធ្ងន់ធ្ងរត្រូវពឹងផ្អែកលើការបញ្ចូលឈាមជាប្រចាំដើម្បីរស់ បានយំអង្វរឪពុកឲ្យបញ្ឈប់ការព្យាបាលនាង ដើម្បីទុកប្រាក់ព្យាបាលប្អូនប្រុសដែលមានជំងឺមហារីកឈាមវិញ។ 

នាង Li Nana ត្រូវបានគ្រូពេទ្យធ្វើរោគវិនិច្ឆ័យរកឃើញមានជំងឺក្រលៀនធ្ងន់ធ្ងរកាលពីឆ្នាំមុន ហើយការព្យាបាលតែមួយគត់គឺការប្តូរក្រលៀន។ ឪពុកនាងជាកសិករហើយបានជំពាក់បំណុលគេយ៉ាងច្រើនទៀតព្រោះតែយកមកព្យាបាលនាង។ ​រយៈពេលប៉ុន្មានខែក្រោយមក ប្អូនប្រុសពៅនាងវ័យ៨ឆ្នាំ ឈ្មោះ Li Zhifei ក៏មានជំងឺមហារីកឈាមទៀត។

នាង Li Nana បាននិយាយទាំងទឹកភ្នែកនៅលើគ្រែទៅកាន់ឪពុកថា៖

នាង Li Nana ក៏បានប្រាប់វេបសាយវីដេអូ Pear ថា៖

លោក Li ជាឪពុកបានបដិសេធ ហើយថាដាច់ខាតត្រូវតែព្យាបាលកូន ដោយសុខចិត្តលក់គោ និងខ្ចីប្រាក់ពីគេជាង ២០០,០០០សែនយ័ន (ប្រមាណ២៨,៤១៤ដុល្លារអាមេរិក) ដើម្បីបង់ថ្លៃព្យាបាលកូនទាំងពីរ។ ដរាបណាគាត់នៅមានជីវិត គាត់នឹងព្យាយាមឲ្យអស់ពីសមត្ថភាព ដើម្បីជួយសង្គ្រោះកូនៗ បើទោះបីជាគាត់ត្រូវលក់ឈាមរបស់ខ្លួនឯងក៏ដោយ។ 

វេជ្ជបណ្ឌិតបានប្រាប់លោក Li ឲ្យត្រៀមប្រាក់យ៉ាងហោចណាស់ចំនួន ៦០០,០០០សែនយ័ន (ប្រមាណ ៨៥,២៤៨ដុល្លារអាមេរិក) ដើម្បីរៀបចំការវះកាត់ប្ដូរក្រលៀនឲ្យកូនស្រី និងប្ដូរខួរឆ្អឹងឲ្យកូនប្រុស។

យ៉ាងណាមិញ លោក Li បានទទូចអង្វរសុំជំនួយ ហើយក៏មានសហព័ន្ធសប្បុរសធម៌ Henan កំពុងដំណើរការបង្កើតការរៃអង្គាសប្រាក់សម្រាប់ជួយគ្រួសារលោក Li ផងដែរ៕

សូមទស្សនារូបភាពនិងវីដេអូខាងក្រោម៖