គួរឲ្យសរសើរណាស់ ដេននី ក្វាន់ ហ៊ានចំណាយលុយខ្ទង់ពាន់ដុល្លារ ទៅលើស្នាដៃគំនូរខ្មែរ!

ភ្នំពេញ៖ ទោះជា តារាសម្តែងស្រី កញ្ញា ដេននី ក្វាន់ បានស្ងាត់នៅក្នុងការងារសិល្បៈ បែបណាក្តី ក៏ប៉ុន្តែអ្នកគាំទ្រជាច្រើន នៅតែចាប់អារម្មណ៍ ជាមួយនឹងជីវិតដ៏ហ៊ឺហា កាឡីបហាយសូររបស់នាងដដែល។

មិនត្រឹមតែប៉ុណ្ណោះ ដេននី ក្វាន់ ក៏ត្រូវបានចាត់ទុកជា តារាចិត្តបុណ្យ តែងតែធ្វើរឿងសប្បុរសធម៌ជាច្រើន គួរឲ្យសរសើរណាស់។ ជាក់ស្ដែង ថ្មីៗនេះដែរ ដើម្បីជាការចូលរួម គាំទ្រស្នាដៃកូនខ្មែរមួយរូប អតីតតារារូបនេះ បានហ៊ានចំណាយលុយ មិនចេះតិច ទៅលើរូបគំនូរគូរដោយដៃ ដោយវិចិត្រករ ដ៏ល្បីល្បាញមួយរូប។

ជាមួយគ្នានេះដែរ ដេននី ក្វាន់ បានកម្មង់ឲ្យគូររូប របស់នាងផ្ទាល់តែម្ដង ដោយបូកទាំងអស់ទៅ អស់ទឹកប្រាក់រហូតដល់ ៣ពាន់ដុល្លារឯណោះ ដែលធ្វើឲ្យហ្វេនៗឃើញហើយ ពេញចិត្តចំពោះរូបនាងយ៉ាងខ្លាំង ក្រោយពីចេះជួយគាំទ្រស្នាដៃ កូនខ្មែរពិតៗបែបនេះ៕

រូបភាពពី៖ Artist Cambodia