ភ្នំពេញ៖ គម្រោងផ្ទះវីឡាលំហែកាយលើកដំបូង FOREST HAMONY ដែលស្ថិតនៅលើផ្ទៃដីរហូតដល់១៣ហិកតា បានចាប់ផ្តើមប្រកាសសាងសង់់ជាផ្លូវការហើយ ក្រោមការបោះទុនវិនិយោគទឹកប្រាក់១៨លានដុល្លារអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សFOREST HAMONY ស្ថិតនៅក្នុងភូមិផារី ឃុំព្រៃថ្នង ស្រុកទឹកឈូ ខេត្តកំពត និងមានចម្ងាយត្រឹម១៨គីឡូម៉ែត្រប៉ុណ្ណោះពីទីរួមខេត្តកំពត។
គម្រោងប្រកបដោយប្រណីតភាពនេះ បាននឹងកំពុងជម្រុញបន្ថែមទៀតលើសក្តានុពល ដែលមានស្រាប់នៅក្នុងខេត្តកំពត ដែលជាតំបន់កំពុងមានការវិនិយោគយ៉ាងច្រើនលើលំនៅដ្ឋាន និងរមណីយដ្ឋានទេសចរណ៍ ប៉ុន្តែទស្សនទាននៃការអភិវឌ្ឍរបស់គម្រោង Forest Hamony ជាស្ទីលថ្មីមួយ ដែលផ្តល់ឲ្យអ្នកវិនិយោគទទួលបានប្រាក់ចំណេញ និងសម្រាប់ការលំហែកម្សាន្តប្រកបភាពស្រស់ស្រាយ។
យោងតាមសេចក្តីប្រកាសព័ត៌មានរបស់ក្រុមហ៊ុន Forest Hamony បានឲ្យដឹងថា គម្រោង Forest Hamony នឹងមានផ្ទះវីឡាលំហែ ដែលសាងសង់នៅប្របនឹងជើងភ្នំតូចៗ ដែលមានទេសភាពស្រស់បំព្រង ជាមួយនឹងបឹងទំហំ៤,០០០ម៉ែត្រការ៉េ ដែលផ្តល់ឲ្យនូវខ្យល់អាកាសបរិសុទ្ធ ។
គម្រោងនេះមានផ្ទះសរុបចំនួន៩០ ដោយផ្ទះនីមួយៗ មានអាងហែលទឹកជាលក្ខណៈផ្ទាល់ខ្លួន មានសួនច្បារផ្ទាល់ខ្លួន ជាមួយទំហំដី២៤ គុណនឹង ៣០ម៉ែត្រការ៉េ។ ដោយផ្តោតលើការសម្របខ្លួន ជាមួយនឹងលក្ខខ័ណ្ឌប្រែប្រួលអាកាសធាតុ គម្រោងនេះត្រូវបានស្ថាបត្យករគូរ និងសាងសង់ឡើងដោយឈរលើភាពបៃតង ដែលជួយសន្សំសំចៃអគ្គិសនី ដើម្បីធ្វើឲ្យអ្នករស់នៅមានផាសុកភាព។
ផ្ទះនីមួយៗក្នុងគម្រោងនេះ នឹងសាងសង់ឡើងលើផ្ទៃដីធំទូលាយ មានរបងព័ទ្ឋជុំវិញ ដោយមានទំហំចាប់ពី ៣៦០ ទៅ ៧២០ម៉ែត្រការ៉េ កំពស់២ជាន់ និងមានការរៀបចំសួនច្បារយ៉ាងស្រស់ស្អាតសំរាប់ផ្ទះនីមួយៗ។ ចំណែកវីឡាលំហែកាយវិញ ចាប់ផ្តើមពីតម្លៃ១៧ម៉ឺនដុល្លារអាមេរិក ដល់ជាង២២ម៉ឺនដុល្លារ ហើយតម្លៃផ្ទះនីមួយៗមានភាពខុសគ្នា អាស្រ័យលើទំហំដី ទីតាំង និងរចនាបទ។ បច្ចុប្បន្នក្រុមហ៊ុន Forest Hamony បាននិងកំពុងទទួលការកក់ប្រាក់ពីអតិថិជនបណ្តើរៗហើយ។
លោក Saraj Shutton តួនាទីជា CEO of Century 21 Cambodia បានមានប្រសាសន៍ឲ្យដឹងក្នុងពិធីសម្ពោធគម្រោងកាលពីព្រឹកថ្ងៃទី៣០ វិចិ្ឆកា កន្លងមកថា៖
«ខេត្តកំពតកំពុងមានការរីកចម្រើនខ្លាំង និងមានសក្តានុពលជាច្រើន សំរាប់ការអភិវឌ្ឍលើវិស័យសំណង់ និងអចលនទ្រព្យ ដោយសារខេត្តនេះមានភាពអំណោយផលមួយចំនួនដូចជា មានចម្ងាយជិតនឹងរាជធានីភ្នំពេញ មានការកសាងហេដ្ឋារចនាសម្ព័ន្ឋល្អប្រសើរ មានការសាងសង់កំពង់ផែទឹកជ្រៅធំមួយ ដែលជាកំពង់ផែធំមួយបន្ទាប់ពីក្រុងព្រះសីហនុ»។
លោកបន្តថា៖
«ជាមួយគ្នានេះ ថ្នាក់ដឹកនាំខេត្តកំពត មានឆន្ទៈយ៉ាងមុតមាំក្នុងការជួយជំរុញ និងសម្រួលការវិនិយោគនៅក្នុងខេត្តឲ្យមានភាពរីកចម្រើនខ្លាំង។ ក្រៅពីមានសក្តានុពលលើទីតាំងភូមិសាស្រ្ត ហេដ្ឋារចនាសម្ព័ន្ឋ វិស័យកសិកម្មរបស់ខេត្ តក៏មានភាពល្បីល្បាញ ដូចជាម្រេច ធូរ៉េនជាដើម ពិសេសវិស័យទេសចរណ៍ក្នុងខេត្តក៏មានភាពរីកចម្រើនខ្លាំង»។
លោក ច្រឹក សុខនីម អគ្គនាយកក្រុមហ៊ុន Century21 Mekong និងជាសហភាគហ៊ុនិកក្នុងគម្រោង FOREST HAMONY បានសម្តែងភាពសប្បាយរីករាយ ដែលបានចូលរួមចំណែកវិនិយោគគម្រោងនេះ ពិសេសជាការចូលរួមចំណែកក្នុងការជំរុញការអភិវឌ្ឍ វិស័យអចលនទ្រព្យក្នុងខេត្តកំពត ឲ្យកាន់់តែមានភាពរីកចម្រើនបន្ថែមទៀត។
លោកបានមានប្រសាសន៍ថា៖
«នេះជាគម្រោងប្រវត្តិសាស្រ្តសម្រាប់ខេត្ត ដែលនឹងជួយលើកកំពស់ការអភិវឌ្ឍ ក៏ដូចជាជំរុញឲ្យខេត្តកាន់តែមានភាពទាក់ទាញ ដោយសារគំរោង FOREST HAMONY សាងសង់ឡើងប្រកបដោយបទដ្ឋានអន្តរជាតិ និងផ្តោតលើការរស់នៅប្រកបដោយភាពបៃតង និងការលំហែប្រកបដោយស្តង់ដារអន្តរជាតិ»។
Bong I.T