ពិធីចុះហត្ថលេខា​​ លើកិច្ចសហប្រតិបត្តិការ ភាព ជាដៃគូរវាង ក្រុមហ៊ុន ទ្រូម៉ាន់នី កម្ពុជា និង គ្រឹះស្ថានមីក្រូហិរញ្ញវត្ថុ អម្រឹត

«ក្រោមកិច្ចសហប្រតិបត្តិការ និងភាពជាដៃគូនេះ ខ្ញុំជឿជាក់ និងសង្ឃឹមយ៉ាងមុតមាំថា សេវាបង់ប្រាក់កម្ចីនេះ នឹងផ្តល់អត្ថប្រយោជន៍យ៉ាងច្រើន ដល់អតិថិជនទាំងអស់ ហើយក៏ជាជម្រើសដ៏ត្រឹមត្រូវមួយ សម្រាប់ពួកគាត់ក្នុងការបង់ប្រាក់កម្ចី ដែលមានភាពងាយស្រួល ចំណេញពេលវេលា ចំណេញថវិកា និងមានសុវត្ថិភាពខ្ពស់។ អតិថិជន មិនចាំបាច់ចំណាយពេលវេលាដ៏មានតម្លៃ ក្នុងការធ្វើដំណើរទៅឆ្ងាយ ពីតំបន់របស់ខ្លួនទៀតឡើយ គឺគ្រាន់តែឆ្ពោះទៅកាន់ភ្នាក់ងារទ្រូម៉ាន់នីយ៉ាងច្រើនកន្លែង នៅក្នុងតំបន់របស់ពួកគាត់ រួចប្រតិបត្តិការបង់ប្រាក់កម្ចីជាការស្រេច  ហើយកាន់តែពិសេសនោះ អតិថិជនទាំងអស់អាចធ្វើប្រតិបត្តិការបង់ប្រាក់កម្ចីដោយភាពងាយស្រួល និង ដោយខ្លួនឯងផ្ទាល់ តាមរយៈ កម្មវិធីTrueMoney (TrueMoney App)។»

«ដើម្បីអបអរសាទរដល់កិច្ចសហប្រតិបត្តិការនេះ អតិថិជនអាចបង់ប្រាក់កម្ចីទៅ គ្រឹះស្ថានមីក្រូហិរញ្ញវត្ថុ អម្រឹត តាមរយៈភ្នាក់ងារទ្រូម៉ាន់នី ឬ TrueMoney App ជាមួយនឹងកម្មវិធីពិសេសជូននក្នុងពេលឆាប់ៗខាងមុខនេះ៕»

ការចុះហត្ថលេខាក្នុងភាពជាដៃគូរ ជាមួយនឹងក្រុមហ៊ុនទ្រូម៉ាន់នី នាថ្ងៃនេះ គឺបានឆ្លុះបញ្ចាំងពីកម្លាំងផ្គួបរបស់ក្រុមហ៊ុនទាំងពីរ ដែលមានអត្ថប្រយោជន៍ ដល់ស្ថាប័នទាំងពីរ ក្នុងការកាត់បន្ថយចំណាយប្រតិបតិ្តការរបស់ខ្លួន និងការផ្តល់សេវារហ័ស ដែលឆ្លើយតបទៅនឹងតំរូវការពិតប្រាកដរបស់អតិថិជន។ ភាពជាដៃគូនេះនឹងធ្វើឲ្យស្ថាប័នទាំងពីរ នឹងកាន់តែមានភាពរឹងម៉ាំកាន់តែខ្លាំងជាងមុន ពីព្រោះ យើងបានផ្តល់ជម្រើស ជាច្រើនដល់អតិថិជនកម្ចីរបស់គ្រឹះស្ថានមីក្រូហិរញ្ញវត្ថុ អម្រឹត ឲ្យមានភាពងាយស្រួលក្នុងការបង់ប្រាក់កម្ចីត្រឡប់មកវិញ ដោយមិនចាំបាច់ទៅដល់ស្នាក់ការ អម្រឹត ប៉ុន្តែតាមរយៈ ភ្នាក់ងារទ្រូម៉ាន់នី ដែលនៅជិត អតិថិជនតែប៉ុណ្ណោះ។»