រុស្ស៊ី៖ ប្រជាកសិករនៅប្រទេសរុស្ស៊ីជាក់ស្តែងបានធ្វើពិសោធន៍ជាមួយវ៉ែនតា VR ដើម្បីជាឧបករណ៍កាត់បន្ថយអារម្មណ៍តានតឹងរបស់សត្វគោ និងអាចបង្កើនការផលិតទឹកដោះ។
យោងតាមសេចក្តីប្រកាសព័ត៌មានរបស់ក្រសួងកសិកម្ម និងស្បៀងអាហារនៅតំបន់ក្នុងទីក្រុងមូស្គូបានឲ្យដឹងថា វ៉ែនតា VR ត្រូវបានកែសម្រួលដើម្បីតម្រូវតាមក្បាលគោ “ដែលវាអាចបង្ហាញនូវទេសភាពដ៏ស្រស់ត្រកាលនៃវាលស្រែនារដូវក្តៅ” ។
យោងតាមសេចក្តីប្រកាសព័ត៌មានដែលផ្តល់ដោយ Storyful បានឲ្យដឹងថា វ៉ែនតា VR នេះទៀតសោតក៏អាចជួយកាត់បន្ថយភាពតានតឹង និងបង្កើនភាពរីករាយដល់ហ្វូងគោផងដែរ។
កម្មវិធីនេះត្រូវបានគេរាយការណ៍ថា ត្រូវបានបង្កើតឡើងដោយផ្អែកលើការវិភាគដោយសាកលវិទ្យាល័យ Wageningen និងការស្រាវជ្រាវនៅប្រទេសហូឡង់ដែលបានសន្និដ្ឋានថា ស្ថានភាពបរិស្ថានអាចប៉ះពាល់យ៉ាងខ្លាំងដល់សុខភាពគោ និងគុណភាពនៃទឹកដោះគោ។
ផលប៉ះពាល់ជាក់ស្តែងលើផលិតកម្មទឹកដោះគោមិនទាន់ត្រូវបានបង្ហាញឱ្យដឹងពេញលេញនៅឡើយទេ ប៉ុន្តែវានឹងក្លាយជាប្រធានបទនៃការសិក្សានាពេលអនាគត។
សេចក្តីប្រកាសព័ត៌មានបានសរសេរថា "អ្នកបង្កើតឧបករណ៍នេះឡើងមានបំណងធ្វើការពង្រីកគម្រោង និងធ្វើទំនើបកម្មវិស័យផលិតទឹកដោះគោឲ្យបានកាន់តែខ្លាំងឡើង"៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
