ម៉ាក់ៗប្រយ័ត្នបន្តិច បើកូនខ្វះជាតិដែក អាចមានគ្រោះថ្នាក់ដល់ជីវិត!

//s5.kh1.co/da/daa45670cf4a55a69f8fa96708af439d1b2b0cdd.jpg
នារី

 ៣០-វិច្ឆិកា-២០១៩ ៤ល្ងាច · ៤ ឆ្នាំមុន

មាន​បញ្ហា​ជាច្រើន​ដែល​នាំ​ឲ្យ​ក្មេង​ខ្វះ​ជាតិ​ដែក ហើយ​បើ​រោគសញ្ញា​វិញ ​គឺ​កូន​មាន​សភាព​ស្លេកស្លាំង ហើយ​ប្រសិនបើពិនិត្យចំនួនគ្រាប់​ឈាម គ្រាប់ឈាម​ក្រហមមានចំនួន​ធ្លាក់​ចុះ​ជា​សញ្ញា​គួរ​ឲ្យ​ព្រួយ​បារម្ភ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក​វេជ្ជបណ្ឌិត ចាន់ ស៊ីណេត ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​បង្អែក​មិត្តភាព​កម្ពុជា-ចិន សែន​សុខ បាន​ឲ្យ​ដឹង​ថា ក្មេង​ខ្វះ​ជាតិ​ដែក​ធ្ងន់ធ្ងរ​អាច​ប្រឈម​នឹង​គ្រោះថ្នាក់​ដល់​ជីវិត​បាន ប្រសិនបើ​មិន​បាន​យក​ចិត្ត​ទុក​ដាក់ក្នុងការតាមដានខ្ពស់ ពីអាការៈស្លេកស្លាំងទៅលើកូន។ កាលណាមានចំនួន​គ្រាប់​ឈាមក្រហមមិន​គ្រប់គ្រាន់​សម្រាប់​ដឹក​អុកស៊ីសែន និង​សារធាតុ​ចិញ្ចឹមនោះ ធ្វើឲ្យកុមារប្រឈមខ្ពស់ទៅនឹងគ្រោះថ្នាក់។

រីឯ​មូលហេតុ​នាំ​ឲ្យ​ខ្វះជាតិ​ដែក គឺអាចបណ្តាលមកពីការញុំា​​របប​អាហារមិនគ្រាប់គ្រាន់ ការ​បាត់បង់​ឈាម និង​មិន​អាច​ស្រូប​ជាតិ​ដែក​បាន​គ្រប់គ្រាន់​ពី​ក្នុង​ឈាម។ មួយ​វិញ​ទៀត បើ​កូន​នៅ​បៅ​ដោះ ត្រូវ​បំបៅ​កូន​នឹង​ទឹកដោះម្តាយ​ឲ្យ​បាន​គ្រប់គ្រាន់ បូក​រួម​របប​អាហារ​ត្រឹមត្រូវ​តាម​ពេទ្យ​ណែនាំ។

វិធី​ជួយ​សង្គ្រោះវិញ គឺឲ្យ​កូន​ញ៉ាំ​ឲ្យបាន​គ្រប់គ្រាន់​កុំ​ឲ្យ​ខ្វះ​អាហារូបត្ថម្ភ កុំ​ឲ្យ​មាន​ការ​បាត់បង់​ឈាម​ច្រើន ហើយ​ប្រសិន​ធ្ងន់ធ្ងរ​ខ្លាំងគ្រូពេទ្យនឹងព្យាបាលទៅតាមបច្ចេកទេសរបស់គ្រូពេទ្យ ឬពេលខ្លះ​ត្រូវ​បញ្ចូល​ឈាម។ បើ​ចង់​ដឹង​ថា កូន​មាន​បញ្ហា​ខ្វះ​ជាតិ​ដែក ឬខ្វះគ្រាប់ឈាមក្រហមអាចសង្កេតបានតាមរយៈស្បែកកូន​ មាន​ស​ស្លេក ស​បែប​គ្មាន​ឈាម បបូរមាត់ស្លេក ត្របកភ្នែក ​មើល​បាត​ដៃ​បាត​ជើង​កូន ថា​មាន​ឈាម​ក្រហម​ៗ​ក្រោម​ស្បែក​អត់។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទផ្ដល់សិទ្ធិដោយ Hello Krupet

Hello គ្រូពេទ្យ
Hello គ្រូពេទ្យ

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T