ថៃ៖ កាលពីថ្មីៗនេះ តារាសម្តែងប្រុស Nadech Kugimiya បានចូលរួមនៅក្នុងកម្មវិធីមួយ ហើយលោកក៏ត្រូវបានគេសួរនាំទាក់ទងទៅនឹង វីដេអូដែលលោកបានបង្ហោះ នៅលើគណនីអ៊ីនស្តារក្រាមផ្ទាលខ្លួនរបស់លោក ជាមួយនឹងមិត្តស្រីជាទីស្រលាញ់ Yaya Urassaya នាអំឡុងពេលអ្នកទាំងពីរកំពុងតែជិះតុកតុក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នៅក្នុងនោះតារាសម្តែងប្រុសសាច់ដុំ៨កងរូបនេះ បានលើកឡើងថា មូលហេតុដែលលោកនិង Yaya សម្រេចចិត្តជិះតុកតុកនោះ ដោយសារតែកាលនោះអ្នកទាំងពីរ មានការងារចាំបាច់ដែលត្រូវធ្វើដំណើរទៅកាន់ទីក្រុង ហើយអ្នកទាំងពីរគ្រោងនឹងជិះតាមរថភ្លើងលើអាកាស ត្រឡប់ទៅវិញ ប៉ុន្តែខណៈនោះ ស្រាប់តែឃើញតុកតុកឆ្លងកាត់ អ្នកទាំងពីរក៏បានផ្លាស់ប្តូរចិត្តដោយការជិះតុកតុកជំនួសវិញតែម្តងទៅ។
តួយ៉ាង បើតាមការលើកឡើង នេះគឺជាលើកទី១របស់ Nadech និង yaya ហើយ ដែលពួកគេបានជិះតុកតុកជាមួយគ្នាបែបនេះ ហើយវាជាអារម្មណ៍ប្លែកថ្មីមួយ ពោលគឺ វាពិតជាសប្បាយខ្លាំង រហូតដល់ថ្នាក់អ្នកទាំងពីរអត់មិនបាននឹងថតរូបនិងវីដេអូ ទុកជាអនុស្សាវរីយ៍រវាងអ្នកទាំងពីរផងដែរ៕