ភ្នំពេញ៖ នារាត្រីថ្ងៃសុក្រ ទី២៩ ខែវិច្ឆិកា ម្សិលមិញនេះ គឺជារាត្រីដ៏គួរឲ្យចងចាំបំផុតរបស់ តារាចម្រៀងស្រី សួស វីហ្សា ជាមួយនឹងតារាសម្តែងប្រុស លោក ថមមី ដែលអ្នកទាំងពីរប្រារព្ធធ្វើនូវពិធីមង្គលការរបស់ខ្លួនយ៉ាងអាធិកអាធម អមជាមួយនឹងវត្តមានភ្ញៀវកិត្តិយសចូលរួម សុទ្ធសឹងតែជាតារាក្នុងសិល្បៈតូចធំល្បីៗទូទាំងប្រទេស ចូលរួមអបអរពោរពេញទៅភាពសប្បាយរីករាយមិនអាចបំភ្លេចបានផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មិនតែប៉ុណ្ណោះ នៅក្នុងពិធីមង្គលកាលពីយប់មិញនេះ គេឃើញថា មានការរៀបចំតុបតែងដេគ័រយ៉ាងប្រណីតស្រស់ស្អាតគួរឲ្យសរសើរ ហើយអ្វីដែលពិសេសជាងនេះទៅទៀតនោះ ក្នុងអំឡុងពេលវេលាកាត់នំ សួស វីហ្សា និង ថមមី អ្នកទាំងពីរថែមទាំងស្លៀកពាក់តុបតែងខ្លួន ដូចជាព្រះនាង និងរាជបុត្រ និងព្រមទាំងមាននារីរបាំរាំអមជុំវិញយ៉ាងស្រស់ស្អាត ហាក់បីដូចពិធីមង្គលនៅក្នុងរឿងនិទាន ដែលនារីគ្រប់រូបតែងតែប្រាថ្នាចង់បានថែមទៀតផង។
គួរឲ្យដឹងផងដែរថា ពិធីមង្គលរបស់ សួស វីហ្សា និង ថមមី កាលពីម្សិលមិញនេះ ពោរពេញទៅដោយភាពសប្បាយរីករាយ ចំណែកឯ ការរៀបចំតុបតែងឯនេះវិញ ក៏ទទួលបានការកោតសរសើរយ៉ាងច្រើន ពីសំណាក់ភ្ញៀវកិត្តិយសដែលបានចូលរួមផងដែរ៕